Martyr pawl ni ah Kolkata ih Mother ih thlan ah zum nak ih thlacam nak nei

martyr_ni

Martyr pawl ni ah Kolkata ih Mother ih thlan ah zum nak ih thlacam nak nei

           Remdaihnak ni le Martyr pawl ni January 30 hminsin nak ah Mother house of Missionaries of Charity ih Calcutta Archdiocese ah thlacamtlangnak an nei. Christian, Hindu, Muslim, Jain le Buddhish ih hotu pawl in nazi 2 rei thlacam tlangnak an nei.

          Dialogue commisson ih director Fr.Sunil Rosario in mikhual pawl cubai buk nak a nei ih "nauhak pawl le mawh nei lo pawl siatsuah an si tikah remdiahnak a hlo vivo" tiin a sim. Venue Mother house in himi zumnak thawn thlacamnak tuah dingah can hril ziangruangahtile St.Mother Teresa cu leilung pumpi ah mi pawl tuarnak bomnak thawn remdiah nak zir dingah in tan" tiin a sim.

          January 30 cu Mahatma Gandhi ah thuhman a dinpi tu pawl thahtuar tu Martyr pawl ni a si. Archdiocese ih vicar general Fr.Embrose in "innsang ih remdiahnak a hlo vivo, remdaihnak cu mah pakhat ciar thinlung ih hmuhton mi a si" tiiin a sim.

          Janah Aldul Aziz in "mi pawl lak, pawlkom a phunphun ah huatawk nak karhter nak kan colh a tul ih pawlkom, community pawl ah khatlekhat zawi tawk theinak, theihthiamnak duhdawtnak karhter ding' tiin a sim. Swami Vishwad yananda in "kan Pathian in a hman mi remdiahnak in pe hram seh" tiin simih Bhikhu Budhokhi in nunram ah remdaihnak cu tumtah bik mi a si.

          Ms.Saswati Basu Mullid in thangthat nak hla sak nak a hoha. Sr.Konchita MC in Culcutta ih St.Teresa ih duh thu sam mi cu leitlun killi ih mi pawl hnenah remdaihnak hrang thlacam dingah a si" tiin a sim. Daiten umnak ih a rahsuak cu thlacamnak  a si. Thlacamnak ih rahsuak cu ralthat nak a si. Ralthat nak ih rahsuak cu duhdawtnak a si. Duhdawtnak ih rahsuak cu riantuannak a si. Riantuannak ih rahsuak cu remdiahnak a si.

          Thlacamnak ih tel ve tu Birati ih Khrista Bhakta in zumnak thawn thlacamnak cu zumban lo mi ka hmuhton mi a si. Himi remdaihnak hrang thlacamnak ih ka tel nak in thluasuah ka dong. Leitlun killi ih a ummi hmuah in remdaihnak tuah ding" tiin a sim. Himi thuthang cu RVA thuthang ihsin kan don mi a si.

https://bit.ly/3HVSDG9

Add new comment

1 + 0 =