Mawtawka accident ruangah fanu pahnih sungtu nu le pa Pope in hnemnak pek (January 19, 2022)

Mawtawka accident ruangah fanu pahnih sungtu nu le pa Pope in hnemnak pek

(January 19, 2022)

          Rome khuapi ah Christmas hlan te ni malte a duh ah unau hnih te Antonella le Lorena pawl cu accident pakhat in an nunnak a cem.

          Mawtaw mawngtu ka fanu upa deuh cu kum 23 a kim zo ih netabik ih I kuat mi message cu ‘ka nu mawtaw thawn kan ra tlung thlang’ ti a si. Mai ral hman hi vek thilcang sia ton ter kan duh lo. Cu le hi hi kan hrangah cun leitlun ah a besia bik mi thilcang a si. Ka fanu le pawl mawtaw an accident tiah in ra sim. Nazi pakhat hrawng a rei hnu ah an pahnih ten an thi. Ka fanu pawl in ka nu…. Hna tampi na tuan in ti ruangah thinphang duh hlah uh. Ca lawng tha ten zir uh. Ka bang lo ka ti le ka fanu le pawl in buaih kan ngah le ka nu hna na tuan nawn lo ding. Hnangam ten na cawl thei thlang tiin in sehreh theu’ tiah Antonella le Lorena pawl ih nu in a rak sim.

          An fanu le pawl an um nawn lo hnu cun an nupa te lawng an tang. An mah cu Euador le Bolibvia ihsin an rak thleng ko nan Rome khuapi ah kum reipi rak um tu an si thu, Zarh reipi riahsiatnak an rak tuar hnu a an mah tha ten ngai sak thiam tu ding Pope tong dingah Vatican ih an thlennak a si.

          “Pope in kan sim mi pawl a theih tikah a thinphang in zuk pawl reipi a zoh ih kan pahnih in thluasuah in pek theh hnu ah tui ni cun thlakhat a kim thlang tiah an sim. Ka fanu te an pahnih hrangah khal Pope in thla a rak cam sak” tiin Antonella le Lorena tei pa in a rak sim.

          Pope in kan thanaunak pawl cu thlacamnak thawn thazaang la cio dingah ruahnak tha in rak pek. Tui Vancungram ih a um tu an pahnih ten sunloih dingah ralthat a tul. Kan nih cun zianghman kan neih lo vekin kan cahvak a tul ih leitlun ah malte sung lawng kan khuasak ding ti cohlan a tul thu Pope in hnemnak a rak pek thu Antonella le Lorena te’i pawl vekin kan si tiah a rak sim.

          “A ngai ngai ahcun kan fanu le pawl kan sunnak thlakhat cekci a kim thlang ruangah riahsia in kan tap. Pope in ka mitthli in hnul sak ih thluasuah in rak pek” tiin Antonella le Lorena pawl ih nu in a rak sim. An nupa in Italy ah an rak thawn ih cu hmun ih um tu pawl an si tiah an sim.

          Hi thuthang cu Rome Reports thuthang ih kan ngah mi a si.

https://bit.ly/3nGZWGW