May 15 niah Pope Francis in Mithianghlim 10 khaisannak nei ding (May 7, 2022)

May 15 niah Pope Francis in Mithianghlim 10 khaisannak nei ding (May 7, 2022)

            Mithianghlim khaisannak caanserh netabik tuah asinak cu 2019 kum ah asiih Cardinal Henry Newman, St.Dulce of Brazil le midang pawl Pope in a khaisang nak a si. Aralai dingmi May 15 zarhpi ni ah St.Peter tualrawn ah hngakhlap za puaipi pakhat tuah dingah an timtuah ding, cui puaipi cu Mithianghlim khaisan nak caanserh a si.

            Papa Francis in Mithianghlim thar pawl hrang atu Pathian hnen lungawi thu kan sim pei, cui Mithianghlim pawl cu zumnak thawn an um ih a tu anmah pawl kan hrang thu in sim sak tu an si zo. Tui tum ah Mithianghlim 10 khaisang ding a si. Algerian ram car ah rian a tuan tu France miphun Puithiam Charles De Foucauld khal a tel. Himi Puithiam hnen hlan in the little sisters of Jesus kaing in Rome khuapi ah museum pakhat an din.

Sr.Claire Nicole (the little sisters of Jesus)

            Himi museum sungah luh veten Puithiam ih kedam le compass hmuh a theih. Himi thil 2 khal aiawh thei tu a tha bik pawl an si. A san cu Puithiam in minung pawl thawn tong aw in pehtlaih thei ding a tul ruangah kiang nai ih a um ruangah asiih, compass timi khal ram car ah reipi a feh lai ah lam a theih lo caan ah tampi a bawm tu thilri a si.

            Pope in Mithianghlim khaisang dingmi a dang pawl cu India ih miraltha mi menmen Lazarus le Nazi ralkap um nak hmun ih thah a tuar tu Carmelite Puithiam Tito Bradsma pawl khal an tel. Himi thuthang cu Rome Reports thuthang ihsin kan don mi a si.