May thla ni (18) 2020 Paschal zarh ruknak nikhat ni ah kawhhran mipi pawl thawn Missa raithawi nak tuah a si thlang ding.( May 7, 2020)

May thla ni (18) 2020 Paschal zarh ruknak nikhat ni ah kawhhran mipi pawl thawn Missa raithawi nak tuah a si thlang ding.

May 7, 2020.

Italy ram hrangah thuthangtha le ruah dingmi,

          Italy ram cu Covid-19 nat sazet in an tuar. Curuangah Missa raithawi nakih hlei ah Pope ih nithum tinten khawm zawh pawl thawn ton khawm nak, nipi ni sunlai Angelus (vancung siangpahrang bawinu) thlacam nak pawl khal hman ten tuah asinan kawhhran mipi tel loin live lawng in thlah asi.

          Mani sun CNA Catholic thuthang ih simnak vekin a ralai dingmi May thla (18) Pasca zarh ruk, nikhat niah Kawhhran mipi pawl thawn Missa raithawinak tuah thok asithlang ding tiin kan thei. A tu vekin on ti asinan, a hlan ti daan vekin siloin thil um daan rikhiah nak tuah asi ding. Missa raithawi nak ih a tel tu dingmi kawhhran mipi khal rikhiah tuah ding asi. Pakhat le pakhat hlatawk daan khal pi thum a si ding. Kaa huh nak bun ding asi. Biakinn khal sii kah asi ding. Bawipa thi le sa san tikah siangbawi le Missa petu in kuthruk hruk ding asi. Kaa huh nak khal bun asi ding . Covid-19 ih karh zai nak cu Italy thlang lam ah a tha lo hleice ih Milan, Venice khuapi lam khalah February thla thok lam ah an rak than zo. Kawhhran daan asi mi tikholh pek nak, mithi vui nak, nupi thit nak pawl zaten march (9) ni ihsin thokin an cawl asi. Mithi vui nak cu May (4) ihsin thok in vui a si zo.

        Kut sih nak cu May (18)  ihsin thok in mipi hmaiah tuah thok asi ding. Himi thu suah cu May thla (7) niah thlunding in an than. Cui missa raithawi nak cu kawhhran mipi pawl thawn tuah thei dingah mipi pawl rikhiah asiruangah vei tampi missa raithawi nak tuah dingah, Missa raithawi nak sungah hlasak in tikcu rei lo dingah hlasak nak khal tha an pek lo thu, Biakinn sangka pawl khal khawmhlan tuan te in on dingin, thli luh thli suah tha ten tuah dingah, kut kholh nak sapian ti ret dingin, Missa raithawi nak sungah remdaih nak ih hminsin nak khal tuah lo dingah, thianghlim ti khal ret lo dingin sim asi. Himi thu cu Italy Catholic Bishop pawl pawlkom ih hotu Cadinal Gualtiero Bassetti, vuan zi chuk (PM) Giuseppe Conte le NrdKUxJa&;0efBuD; Luciana Lamorgese pawl in lungkim nak sign an thu. Himi thu cu Italy Catholic Bishop pawl pawlkom in an tawlrel mi a si. Hi mi thuthang hi CNA in kan ngah a si.

https://bit.ly/3dq4SIU