Media zalennak cu Democracy le thuhman a khaisan sak tiin Vatican in a sim May 13, Vatican

Media zalennak cu Democracy le thuhman a khaisan sak tiin Vatican in a sim

May 13, Vatican

          Vatican dinhmun in thuthang zalen zet ih luan thei nak cu thuthang le thil terek pawl hmuhhngan ih langternak a si tiin a sim. Hi ti can ter nak in Democracy le thuhman mi nunphung pawlkom khal a khaisan sak tiin a zum.

          Cu vek in mi pakhat ciar ih hawl mi, cohlan mi le ruahnak pawl hlawmawknak caan remcang khal a pek. Thuthang zalennak cu ramkhel thuhla lawng si lo in Biaknak nuntu ziaza lam thawn pehpar mi pawl ah khal thuthang zalennak um dingah Vatican ih Europe thawn pehpar mi himnak thawn tuan tlangnak pawlkom (OSCE) assistant Monsignor Janusz Urbanczyk in a rak forhfial.

Zumtu pawlkom pawl ih telnak

          OSCE ih May 13 ni ih tuah mi ‘thuthang media zalennak’ thawn pehpar mi thurelkhawmnak ah bulpak thawn pehpar mi le mipi thawn pehpar mi pawlkom pawl, pawllkom pawl cu Khristian, Jew, Muslim le a dang Biaknak pawl cu mai Biaknak thawn pehpar mi ruahnak pawl langter nak tuah thei lo dingah hringhronak, kham nak pawl an tuah rero thlang.Hi mi tuar thei lo mi dinhmun cu reipi hnu lawng ah ‘huatawknak pawl a si lo le huatawknak tongkam pawl’ a suah ter ih netabik ah cun Biaknak lam ah huatawknak a um. Biaknak lam hi buainak tiah an ruat thlang.

          A ngai ngai ah cun thuthang media pawl dinhmun in hi ruahnak peng pawl tuah mi pholang hnak in Biaknak lam tel in a dang thil pawl khal tha pe phah in kaupi’n hmuh daan on sak a tul. Hi ti tuah sak nak in a bang aw lo mi mipum pawlkom, ruahnak nei pawl thawn hmuh daan hlawmawk a theih ding a si.That nak tampi a um ter. OSCE pawlkom pawl dinhmun in Biaknak lam pawlkom pawl mipi thawn thurelkhawmnak ih tel dingah tha a pek. Cu lawngah tui a cang rero mi dinhmun cu a bang aw lo mi nunphung, Biaknak, cin le daan, hmuh dan pawl rel tlang dingah tha pek a tul. Vatican ih assistant a si mi Cardinal in hi tiin a sim bet. Zalennak tarlangnak cu tuanvo neihnak ziang siar lo ih um ngah lo ih a tel mi tuanvo pakhat a si. Zalen zet ih sim thei nak pawl ah zianghman sim thei lo, humhim thei lo mi nuhak pawl ih thuhla thawn pehpar in tam deuh a um a tul.

          Minung le mipum pawlkom pawl cu nunphung ih a thupi zet mi tumtahnak hmun a si a tul. Media cu hman mi thilri pawl vek a si. Minung pawl ih a phun phun ih huap nak thangso dingah hman a tul. Hi ti vek in a sim ih thuthang hman lo pawl, thuthang sual, a si lo mi thuthang pawl khal nunphung ih a karh rero ruangah ralrin a tul. Thuthang le zuk pawl khal tumtah mi a phunphun hrangah ol ten a peng ih hman a ol te. Internet tih a nung lo nain tha ten thuhla pakhat khat kuat ah siseh, ngah ah khal tuanvo lak thiam a tul.

          Kan zate khal darh sal nak, pehtlaih awk nak zate hrangah tuanvo kan lak a tul. Vatican ih assistant in OSCE pawlkom khal thuthang media zalennak thawn nunau pawl khal thuthang media pawl ah a bang aw mi caan rem tha pe dingah, cu vek in media pawl ih humhimnak khal khaisang dingah,  a thupibik in nunau thuthang la tu pawl tidaan a phunphun thawn tuahmawh nak humhim dingah, nunau pawl tel nak le tel dingih tha pek nak cu nunphung tinkim, nunphung pawlkom tinkim, ramkhel pawl, nunphung ih nitin nunram khal a thupit thu cu kan zaten theih sak a tul tiah a rak forhfial.

          Hi thuthang cu Vatican thuthang ih kan ngah mi a si.

https://bit.ly/3fvuPe5