Meisa thawn urih Ruakvuinak le ruak vutcam pawl cu Nepal Catholic mipi pawl hrangah pomthei mi Ruakvui daan pakhat ah cang. November 3, 2021

Meisa thawn urih Ruakvuinak le ruak vutcam pawl cu Nepal Catholic mipi pawl hrangah pomthei mi Ruakvui daan pakhat ah cang.

November 3, 2021

              Leilung pumpi ih Catholic zumtu pawl cu November 2 ah a thi zo tu pawl hrangah thlacam dingah thlan ih an feh caan ah Nepal ram ih Khristian pawl cu "Columba" tiih kawh mi ruak vutcam ret nak inn umnak hmun ah a thi zo tu pawl "upat nak" timi a bang aw lomi ti daan kha an kilhim rero lai. A tui thil cang ruangah meisa thawn ruakvui nak le ruak vut cam pawl cu Nepal Catholic mipi pawl hrangah pom mi vui awknak tidaan pakhat a si thu Biakinn tuanvo nei tu pakhat in a sim.

              Leiram a mal ih a man a khung mi leiram asi ruangah Khristian pawl cu Himalayan ram ih a thi tu pawl upat nak pek dingah a bang aw lomi ti daan an pom vivo. All Souls Day ah Nepal ih Catholic mipi pawl cu " Kathmandu", "Gadavari", le Baniyatar" a lai fan nak alma ih um mi Parish 3 ih ruak vutcam ret nak inn pawl thianhlim nak tuah in sii an hnih.

              Nepal vek ram pawl ah phum a si dah lomi ruak cu hmunkhat ten ur dingah a tul timi thu cu Catholic mipi pawl in an pom. "kathmandu" karlak ih um mi Catholic Biakinn pathum in cui ti daan cu kum tampi an tuah zo tiin kum 62 asimi Kohhran mi pakhat asiih Nepal Apostolic Vicariate ih media thawn pehpar mi Director Chirendra Satyal in a sim.

              Catholic mipi pawl cu November 2 ah mitthi pawl hrang thla an cam vekin Nepal Catholic pawl khal in Phayawngtai vang in "Columbarium" ah pangpar pawl an ret. Nepal khualipi asimi Kathmandu ih pakhat lawng asimi Catholic thlan cu "Jesuit Retreat Center" ih then asiih a hmaisabik Nepal mi phun Jesuit Bishop "Anthony Sharma" tel in cui ram ah a hmaisa lam ih Jesuit pawl an phum. UCA thuthang an lak nak vekin a tu caan ah Pathian hnatuantu pawl le Siangbawi pawl hrang hmanah a dangten rikhiah a ngah nawn lo tiin a sim.

              Kathmandu ah 1816 ah dinmi a dang Thlan thar fate cu British ambassador ta asiih Bristish mi phun a hleice in phum nak hmunba si. 2011ih cazin an lak nak vekin Nepal miphun zatek 81 cu Hindu an siih, zatek 9 cu Buddhish, zatek 4.4 cu Muslim le zatek 1.4 cu Khristian an um thu an sim.

              Protestant pawl le Gospel thuthangtha a phuang tu saya pawl cu Nepal ih Khristian a tam sawn thawn pawlkom aw in meisa thawn ur nak le Columbarium daan an do khalh. Anmah pawl cu a kaih mi leiram hrangah cozah in tuah sak a tul thu an dil.

               A liam zo mi kum ah Khristian kiang kap pawl cu Khristian thlan leiram pakhat dil dingah Kathmandu ah ni 13 rei rawl ul in duhphorhnak an nei. Cui duhphorh nak cu cozah lam ihsin felfai ter ding tiin thukam nak an pe nan neta lam ah ziang hman a si lo. Thlan leiram peknak cu rampi ih tuanvo asi lo thu Nepal thuthennak zungin thu an suah. Himi thuthang cu RVA thuthang ihsin kan don mi a si.

https://bit.ly/3bWBfQS