Mexican Diocese ah zarhkhat sungah Catholic Puithiam 70 ordination ngah. (June 8, 2022)

Mexican Diocese ah zarhkhat sungah Catholic Puithiam 70 ordination ngah.

(June 8, 2022)

              Guadalajara khuapi Mexican miraltha pawl Biakinn ah Guadalajara Archbishop Cardinal Jose Francisco Robles Ortega in mi 70 cu June 4 le 5 pawl ah ordination an pek. A hmaisa ni ah 33 le a thaisun ah 37 ordination a pek. June 3 khalah Decon 7 a khaisang bet. Pathian in buainak a phunphun thawn a ko nan a thuthangtha cu (Jesuh Khrih) cu leipar ih a um nak cu kan hrang thluasuah in pek thu, Pathian ih kawhnak cu a hnget ih, mino pawl thinlung khalah Pathian ih aw ngai dingah an tha a tho thu Guadalajara Puithiam tlawng ih uktu Fr.Juan Carlos Lupercio Gomez in a sim.

              1920 laiah Mexico ram ah biaknak lam hmuhsuam nak pawl an tuar ih culaiah St.Christopher Magellan le Guadalajara Puithiam tlawngih sin khaisannak a ngah ih miraltha pawl an um thu khal Fr.Lupercio in a sim. Cardinal Ortega khal "Puithiam thar pawl cu leilungpi rian dignah siloin Pathian lawng rian dingah asi thu" thuthangtha a sim nak ah a sim. Cuihleiah Puithiam timi cu mai hrampi asimi minung timi pawl lak hman in hrl an si timi hngilh lo dingah a forhfial.

              Cuihleiah Puithiam pakhat cu a hnatuan pi pawl hnakin cuang in an sang thu ruah a sile cumi thil tha lo ah a feh ih Pawlpi le Puithiam nunram tampi a siat suah thu Cardinal in a sim. "Puithiam pawl cu Pathian minung pawl Pathian thu sim tu, mipawl karlak ah Pathian aiawh ih um tu pawl le Pathian in duhdawt, zangfah nak le rundamnak simtu ding pawl" an si thu a sim.

              Pehbet in ordination ngah tu ding Puithiam tuan tu ding pawl cu Pathian minung pawl lakah um dingin a tuah tu ding thluasuah dong in, Pathian cu Kohhran ih lu, pasal, nupi le Pathian thu sim tu saya pawl tiin um dingah tuah nak a si thu" Cardinal Ortega in thuthangtha ah a sim.

              "Nan neih mi thluasuah cu a sunglawi ih pakhat lawng a um tiin ti duhsan a si lo thu cu Thiang Thlarau Pathian cu Kohhran hrang a dang thluasuah pawl khal a pek" tiin a sim. A cem nak ah "thihnak in a nung sal tu Pathian ih thlarau cu thluasuah tiin a rong tum dingih leilung a cem tiang a hmun ding thu le nanmah pawl lam lo hmuh ringring in lo thar ter sal in hnem nak pawl thawn riantuan thei ding ah a lo thangphok ding thu" Archbishop Ortega in Puithiam thar pawl thazang pek nak thu a sim. Himi thuthang cu RVA thuthang ihsin kan don mi a si.   

https://bit.ly/3OdRKsy