Mexican Puithiam kap a tuar ih hriamhma ngah (August 1, 2022)

mexican_puithiam_kap_a_tuarih_hriamhma_ngah.

Mexican Puithiam kap a tuar ih hriamhma ngah

(August 1, 2022)

              Mexican Catholic Puithiam pakhat cu thlang Mexico Guerrero ramthen ih lamzin ah kap a tuar ih hriamhma a ngah tiin Mexican ih Bishop pawl council in sim. Motorcycle par ih ummi hriamhrei meithal kai tu cu Puithiam ih thirleng a naih ih July 28 ah Chilapa khuapi ah tuahmawh ih meiur nak a cang tiin Guerrero ramthen ih cozah lawyer in a sim.

              Velez Jimenez cu a hmai ah kap a tuar ih siizung ah tuamhlawm a si, asinan tihphan ding a um tuk lo. Fr.Jimenez cu Chilpancingo – Chilapa Diocese Iguala khuapi ih Majella parish St.Gerard Maria ih pastor a si. Himi kapnak a can nak cu Jesuit Puithiam pahnih le mikhual pahnih Chihuahua tlang ih an thah hnu thla hnih nak ah a si.

              Cutawk hmun ih rittheih thil tuah tu misual pawlkom hotu cu June 20 ih Puithiam pawl thattu tiin puh asiih cuihmun ih (guide) mikhual pawl lamhmuhtu khal an rak that dah zo. Ram ih Parish pawl in tuithal sung cu harsat tuar pawl le tuahmawh nak a tuah tu pawl hrang thlacam dingah an tumtah.

              Chilpancing – Chilapa Diocese ih a sim mi cu "himi tuahmawhnak ruangih a tuar tu pawl le a thi tu kan unau pawl kan ko ih hivekih thilsual tuahnak thleng dingah le cawl cingah" an sim. Catholic Multimedia center ih an sim nak vek a sile Puithiam pasarih cu himi ukawknak sungah thah an tuar zo ih cumicu 2018 December ah zung in an sim ih a hlan ih uk awknak ah mi 24 lai an si zo tiin an sim. Himi thuthang cu RVA thuthang ihsin kan don mi a si.

https://bit.ly/3SwCfiL

Add new comment

10 + 2 =