Mexico car accident ah nunnak a liam tu mi 54 hrang Catholic hotu pawl in thlacam sak. December 10, 2021

Mexico car accident ah nunnak a liam tu mi 54 hrang Catholic hotu pawl in thlacam sak.

December 10, 2021

          December 9, tlawngkai nili ni ah Mexico, Chiapas ramthen ah car accident ah minung 54 in an nunnak an rak liam vekin mi tampi hriamhma an ngahnak parah a thlacamnak le naihniam te’i a um thu Pope Francis in a rak langter. Minung 150 phur tu truck mawtaw cu hmun hlapi feh nak lampi, khuapi thawn peng 100 a hlatnak ah a rak let. Mawtaw letnak ih a tel tu tamsawn cu Guatemala ihsin a vai tu pawl an si ih a dang pawl cu America in an si tiin Guatemala ih Ambassador Mario Bucaro in nemhnget in a rak sim.

          Mawtaw accident ah nunnak a liam tu pawl  hrang an riahsiat thu le an tanta mi an sungkua pawl hrang thla a cam sak thu cu December 10 ah Pope Francis in Tuxtla Gutierrez ih Archbishop Fabio Martinez Castilla hnenah Telegram in ca a rak kuat. Cu tawk ih um Archbishop le a dang Archbishop pawl khal in an riahsiatnak tongkam thawn thla an cam sak thu an rak ngan.

          Hi thuthang cu CNA thuthang ih kan ngah mi a si.

https://bit.ly/3IKFmOX