Mexico ih Puithiam pakhat kap that tuar.

Mexico ih Puithiam pakhat kap that tuar.

          Mexico ram Jalisco hmun ih San Juan de los Lagos Diocese cu Feb 10 ah Fr.Juan Angulo Fonseca an kap that nak ruangah an riah a sia zet. Mexico thuthang El Financiero ih an simnak vekin kum 53 asimi Puithiam cu a kiang ih puakkuai mi thawn kap a tuar. Himi mi nunnak laknak cu Jalisco ramthen Akotonilco el Alto hmun ah a cang.

          Zingzoi tu pawl ih an sim nak vekin hi mi mi nunnak laknak cu an el awknak ruang ih a cang mi tiin zum a um thu an sim. San Juan de los Lagos Diocese cu Pathian hnenah thlacamnak an neiih Fr.Juan Angulo Fonseca ih nunnak cemnak ruangah an riahsiat zet thu "Diocese in Feb 11 ah an sim. Kohhran hrang Khrih hmin in a nunnak a hman nak ruangah Pathian in thluasuah pe hram seh, a thlarau khal Pathian ih zangfahnak thawn hahdamnak ngah hram seh" tiin an sim.          

          "Siar cawl lomi a zangfahnak ruangah Pathian kan zum, amah cu leitlun a um laiah mivai pawl bawm in remdiahnak a duh zet tu a siih Pathian ih zangfahnak thawn mithianghlim pawl, vancung mi pawl le Bawinu thawn an um tlang ding ruahsan a si thu San Juan De Lagos Diocese ih apostolic administrator Archbishop Jorge Alberto Cavazos in a ngan.

          Puithiam pakhat in "Puithiam zaten hnenah Missa sumnak ah novena le thlacamnak pawl kan unau pa hrang kan hlan pei tiin a sim. Angulo cu 1970, Jan 24 ah Jajisco hmun Tepatitlan de Morelos ah a rak suak. 1998, May 2 ah Puithiam sinak a rak ngah. Valle de Guadalupe ih Our laday of Guadualupe Parish ah 2017 lai in rian a tuan zo. Angulo cu a dang parish pawl Immaculate conception, St.Joseph the worker le Holy Spirit pawl khal ah rian rak tuan dah tu a si. Himi thuthang cu Catholic News Agency ihsin kan don mi a si.

https://bit.ly/3YTyKFs