Michigan diocese in coronavirus ruangih a thi tu Sr. pakua pawl hrangih an riahsiat thu a sim. January-29, 2021

 Michigan diocese in coronavirus ruangih a thi tu Sr. pakua pawl hrangih an riahsiat thu a sim

January-29, 2021

          Lansing ih diocese in coronavirus ruangah tui thla ih a thi tu Sr. pakua pawl hrangih a riahsiat thu le an hrangih thla a cam sak thu khal an sim. Lansing ih Bishop Earl Boyea in catlang pakhat ah January 28 ih a rak tarlang mi cu thih nak le an pawlkom ah Sr. pawl ih man an neih zia thu upat nak thawn a rak sim.Thinnuam lo zet in tui ni ah covid-19 ruangah Adrian Dominican Sisters pakua an thih thu ka rak thei.“Dominican kaing hrangah, puaipi sunglawi a si mi, St. Thomas Aquinas ih puai ni ih riahsia za thuthang pawl in zir ding a si,” tiin Bishop Bonyea in a rak sim. Sr. Patricia Siemen, Prioress le Adrian Dominican community ka zawn ruah nak, thlacam sak nak le bawm nak ni le zarh pawl a thleng tiin a rak sim bet. St. Dominic; an mah hrangah thla cam sak aw.

          Sister pawl cu Detroit in peng 75 hrawng a hlat nak ih um Adrian Dominican Sisters tlawng ah an rak um. A cawl zo tu Sr. 200 luan khal Adrian ah an um ve.Fox 2 Detroit ih sim mi vek a si le St. tlawng ah covid-19 nat a tuar tu 46 a rak um dah zo. St. 25 cu an dam sal nain, Sr. 12 cu nat an tuar rero lai.January thla ih a thi tu Sr. pawl cu kum 79-97 karlak mi an si. Adrian Dominican Sisters tlawng cu the Congregation of the Holy Rosary tiin khal a hmin thang zet ih an pahnih in 1923 ih din mi an si. An tlawng in U.S, Puerto Rico, the Dominican Republic le Philippines ram pawl ah Sister 507 an um. Kan thlacamnak in harhdamnak a thanso thei nak dingah a na mi pawl le a thi zo tu pawl, an innsungsang pawl, harhdamnak zung ih hnatuan tu pawl le hmun tin ih a um tu pawl in kan mah pakhat ciar ih kan tul sam mi pawl in bawm a si. Thlacam nak ah in tel pi uh,” tiin Bishop Earl Boyea in a rak sim.   Hi mi thuthang cu CNA thuthang ih kan ngah mi a si.

Photo courtesy of the Diocese of Lansing

https://bit.ly/3r1wrPB