Mifarah zonzai pawl hrangah dikzet le felzetih a rak tanpi tu Jesuit Puithiam nunnak liam July 5, 2021

Mifarah zonzai pawl hrangah dikzet le felzetih a rak tanpi tu Jesuit Puithiam nunnak liam

July 5, 2021

          India ram ih milai pawlkom ah mi zonzai bik pawl bawmnak petu Jesuit kaing ih Puithiam Fr. Stanislaus Swamy cu July 5 ah a nunnak a rak cem. Kum 84 a ti zo mi Fr. Swamy cu mi tampi hrangah zuamnak thawn tuan phah in thlariat rei thawnginn sungih um tu a si. Fr. Stanislaus Lourduswamy a si lo le Fr. Stan Swamy cu thuthennak zungah an suah sal ding thu than man hlan ih a thih thu le harhdamnak dinhmun ruangah suah ding thu khal an cawl tiah an sim.

          Fr. cu a hlan ih kawh daan Bombay, tu ah cun Mumbai tiih kawh mi Holy Family siizung ah covid natnak thawn a nunnak a rak cem a si. Mi nauta pawl hrangah le an mai sinak hrangah a rak zuam zet tu Fr. Swamy a thihnak thu cu a mai a tinkaing (Congregation)Puithiam hnen in theih a si.Fr. Swamy cu 2020 October 8 ah kaih a rak tuar ih leitlunhuap ih Jesuit a tin kaing ( Congregation) sung tel pawl le leitlunhuap hruai tu pawl in Puithiam thlah dingah zaangfah an rak dil.

          May 29 ah Puithiam in covid nat a neih ti hmuh a si. Fr. Swamy cu India thlanglam Tamil Nadu ramthen ah lothlo tu innsang in a rak suak ih a kum 20 ah Jesuit a tin kaing ( Congregation) ah a rak lut ih Puithiam nunram thawn kum 50 luan ap awk in rian a rak tuan ih a kum 84 ah a nunnak a rak cem a si. Hi thuthang cu CNA thuthang ih kan ngah mi a si.

Photo courtesy of CNA

https://bit.ly/3xpUxY0