Mino pawl hnen ruahsan nak a keng tu film tawite pawl zuk dingah Salesian pawl hnen pe in lehrulh nak a tha zet tiin sim. November 17, 2021

Mino pawl hnen ruahsan nak a keng tu film tawite pawl zuk dingah Salesian pawl hnen pe in lehrulh nak a tha zet tiin sim.

November 17, 2021

            Ramtin film puaipi thar pakhat cu tuizarh sungah tuah asi ding ih ram 116 ihsin mino pawl tel in an zuam aw ding. Himi ruah nak cu 2020, December, covid 19 a karh thokah thok a rak si. Cutiin hmaisabik kum Don Bosco Global film Festival (leilun kili thawn pehpar mi Don Bosco film puai pi cu tuah a si ih film tawite 1686 kha cohlang a si.

            Zuk dingmi thuhla cu ruahsannak langter ding a si. Hril asimi a tha bik film tawite pawl cu November 18-19 ni ah ram tin ih thu bot cat nak tuah tu pawl in online in siseh, ram 135 ih mi pawl mah rori feh nak in siseh an than ding a si. An zuk mi film tawite pawl cu November 15 tiang kuat theih asiih, a zuam tu ding pawl cu kum 15-30 tiang a si. Mah rori lem cangnak, carton zuk pawl thawn lemcang ter nak, hla cutivek pungsan a phunphun thawn kuat a theih. Minung mah rori lemcang ih kuat mi film tawite hrangah tikcucaan minute 10 asiih, a dang phunhnih cu minute 5 lawng a si.

            Himi zuamawk nak cu Don Bosco ih Salesian pawlkom ih hoha ih tuah nak a si. Atuvekih tuah nak cu mino pawl ruahnak, zuk mi, ruah nak lam fimnak thiam nak leitlun tiang thleng thei nak pek duh ruangah asi. Cutivekin mino pawl hnen ihsin leilungpi hnen pek mi ruahsan nak thawn ton mi thu pawl cah duh a si.

            Himi zuam awk nak ah laksawng ngah asile laksawng tiin sumpai pek ding a si. Laksawng khal zate sungih  a tha bik laksawng, continent ih zir in a tha bik laksawng, a aw a fiang mi laksawng, video edit tuah thiam nak laksawng a phunphun in then a si ding. Mipa, nunau laksawng, film um tu daan laksawng, director laksawng cutivek bulpak laksawng pawl khal a um.

            Mino pawl ih mihip thei nak cu kan mang in bang ter. A tu leilungpi dinhmun in mino pawl sunloih thiam dingah a tul tiin leitlun killi ih Salesian pawlkom ih upa in a sim. Mino pawl ih thluak ih ruat thiam dingah le thinlung ihsin tuar thiam dingah thu suah pakhat a um thu Fr.Angel Fernandez Artime in video ih thu sim nak ah a rel.

            Mino pawl cu hmailam ih thil tuah thiam pawl an si. Ruahsan nak hmuh cia tu an si. Mino pawl hnen tampi ka ruah san. Mino pawl rinsan in a tha deuhdeuh mi hmailam din duh a um. Mino pawl ih tuah thei nak ruahnak thawn leilungpi thleng dingah tuah taktak a theih. A tui zuamawk nak ah tel dingin ka lo forhfial duh. A tui film puaipi cu mino pawl ih puaipi a si. Leilungpi cu ruahsannak thawn thawn dingin tuah cio uh. Selasian Siangbawi pawlkom a rak din tu St. John Bosco dinhmun in mino pawl ih phur zet ih zuam nak cu ziang tluk in zoh tha a nung ding.

            St. John Bosco cu a tamsawn in "Don Bosco" tiin kawh a si. Amah cu Italy miphun Puithiam asiih, caantha a ngah lomi mino pawl Pathian thu zir nak ihsin lungrual in caantha pawl a tuah tu a si. Cumi tuah daan in mino pawl hnen thlarau lam le duhdawt nak parah bun aw in dik zet in a zirh. Amah cu sualnak tuah asile hrem nak pe ding lawng a hngak tu asilo. St. John Bosco cu mino le misual mino pawl kilkhawi tu Mithianghlim a si. Himi thuthang cu CNA thuthang ihsin kan don mi  a si.

https://bit.ly/3xdT7Aw