Mino pawl mai hmailam caan tuah that dingah Philippines Bishop in forhfial. November 20, 2021

Mino pawl mai hmailam caan tuah that dingah Philippines Bishop in forhfial.

November 20, 2021

              Daet Diocese ih Catholic Bishop pakhat asimi Rex Alarcon in mino pawl ih hmailam tuah daan ding a sim  nakah pial loin tuanvo cohlang in hoha dingah a forhfial. Himi forhfial nak cu November 17 ah Philippines ram ih Catholic Bishop pawl pawlkom ihsin Portugal ram Lisbon khuapi ah 2023 ih tuah dingmi leitlun mino pawl ni hrangah timtuah thok dingah ke kar nak a si.

              Philippines ih Diocese zate cui leitlun mino pawl hrangah November 21 ihsin thokin an timtuah thlang ding thu, himi timtuah nakah Bishop pawl in ram sungih Diocese a phunphun ihsin Portugal ram ah Philippines ram hrangah aiawh in a tel tu ding mino pawl ih hmin cazin pawl an la ding.

              Thuthan nak ah Rex Alarcon in mino pawl ih hmailam cu an kut sungih a um thu, dinhmun caan pawl ah sualnak tuah lo dingah, hmailam hrang tuanvo la, tuanvo nei in tuah thok dingah, hmailam hrang tuanvo la, tuanvo nei in tuah thok dingah a forhfial. Bishop cu mino commission ih tuan vo nei tu a si. San thar mino pawl cu san hlun parah bun awin an hmailam tuah that duh nak thinlung hlon ding. San hlun cu san thar pawl parah tuah sak dingah tuanvo an nei tiin an ruah nak cu a kaih. Curungah san hlun pawl cu hoha in an tuah. Asinan talhton sal a tul. Ziangruangahtuile tuilai mino pawl cu mawtaw mawngtu to nakah to in tuanvo lak ding. Mino pawl ih nunram ah hlawhtlin duh asile hotu hril nak ah thupi ih ret in tuah ding. Rei lote ah hotu hril a si thlang ding. Duhhamnak, sa lo dai lo thinlung le ziang hman tuah duh lo nak thinlung pawl do suak uh si. Ngaih sak thiam dingah, hnatuan zuam dingah, a tha bik hril awknak tuah cio uh. Kan zalen nak cu thil tha hrilnakin fam kim ter cio uh. Thil tha lo hril nak cu mai zalen nak siat suah nak a si.

              Mino pawlkom sung ihsin zatek 52 cu aralai dingmi 2022 hril awknak ah me pek ding asi thu, Philippines mipum ih zatek 60.46 cu a ralai dingmi 2022 hril awk nakah me pe dingah cazin an pe. Anmah lakah zatek 31.41 cu mino pawl an siih, kum in cu 18-40 sung an si thu, Philippines ih hril awk nak commission in an than. Bishop Alarcon in hril awk caan cu thil tha tuah caan asiih, ram hrang a tha mi hotu hril caan a si. Thil tha lo do ding. Ruahnak tha lo kha hmunkhat ten do ding. Zangzel nak le thilthalo pawl ih huap nak nunram ah thleng ter aw hlah. Khrih ah nanmah pawl cu thiltha lo neh dingah le thil tha ngah ding ah thiltitheinak nan nei. A besia zet mi dinhmun pawl karlak ah pil hlah. Nanmah pawl ruahsan nak a lo pe tu tleunak thim ter hlah uh"tiin a sim. Himi thuthang cu UCA thuthang ihsin kan don mi a si.

https://bit.ly/2Z8J8zG