Minung ih si nak a um kha cohlang dingah Pope Francis in a sim. August 12, 2020

Minung ih si nak a um kha cohlang dingah Pope Francis in a sim. August 12, 2020

         Pope Francis in kan dung zarh tlawngkai nithum ni zinglam ah leitlun khua zakip in St. Peter tualrawn ih a rak thleng tu Pathian biaktu pawl thawn tonawknak program an rak thok sal.

         Hi programme cu tu kum Covid-19 ruangah kumdang hnak in an rak cawl tam deuh. Kumdangah cu July thla lawng an rak cawl theu. Hi tonawknak ah ziangah Christian tin in ko ti kha ruat sal dingah a sim ih kan dung zarh ih a thu zirh mi a rak zirh sal.

         Hi suanawk thei natnak cu ziang tluk in a besiat thu le mah thawn sai lo vekin um a ngah lo ih mi tampi an tel thu, mah le mah a thupibik in thanau mi pawl, pawlkom ih hnon mi pawl, leitlun kilkhawi lo le leilungpi dam ter ding cu a cang thei lo thu, suan awk thei natnak a karh ko nan Christian pawl dinhmun in mah kiangih um mi pawl duhdawt ding  asi.

         Hi suan awk thei nat a thupit caan ah pakhat le pakhat zawnruahnak thinlung thawn in siseh, Christian timi thinlung thawn siseh, bawm nak a tul tu pawl mit siing le hnaphit men lo in mai ti thei tawk in an rak bawm.

         Mai nunnak hman an ui lo. Mah suan tuar ding hman tih lo in nat a tuar tu minaa pawl kiangah um in an rak kilkhawi. Asinan, hi pulh nat pakhat lawng nasa zetih do dingah a si lo. Hi pulh nat in nunphung pawlkom ih a um mi mipum pulh nat sia pawl khal in hmuh duh san a si.

         Hi nunphung pulh nat sungin pakhat cu minung vekih hmuh lo nak, a dang zawng ih kan sim a si le pakhat khat ih si nak siseh, mi pakhat thawn pehtlaih nak a nei mi nuntuzia pawl siseh, ziangah siar lo nak nat nak, nunphung cu an rak taan.

         Tu le tu minungih hman mi pawl, a hleifuan mi thilri pawl vekin an ruat. Hi thinlung um daan cu mit pahnih nei cing ih mit caw nak, midang pawl thawn um lo in mah te lawng um duh nak cu tha pek nak, nunphung tu le tu el nak vek a si.

         Hi thinlung ruah nak vek hi minung pawl zuarnak vekih a ruat tu pawlkom ah a thleng ter. Asinan, kan nih cu zum nakin kilhim nak kan ngah ding ti bang ta sehla nunau, mipa pawl cu Pathian ih sersiam mi pawl kan si.

         An mah pawl cu thilri an si lo vekin zuar ding khal ah a si lo. An mah pawl duhdawt ding a tul ih an mah pawl khal in in duhdawt sal thei. Pathian in minung pawl cu a mai hmuihmel vekin in sersiam ti hi ciin a tul.

         Bawi Jesuh in mi that nak hrang tuan nak nunram, mai nunram ap nak cu a rak hmuh. Hi dinhmun a hmu lo tu pawl hnenah hmu thei dingah a dam ternak thawngin teetti a rak hmuh ih cu pawl cu a dungthluntu pawl lakah a rak hmang.

         Hi milai si nak a um thu theih ter in duh. Vatican ih a voihnih nak thurel khawm nakih lamhmuhnak sungah milai ih upat tlak si nak cu miphun lam hmuh nak sungah milai ih si nak cu ziang siar loih um men a ngah lo.

 Ziangah tile Pathian ih hmuihmel thawn kaih in sersiam mi kan si ruangah a si tiah sim phah in a thusim a rak cawl. Hi thuthang cu August 12, 2020 ah Vatican thuthang ih kan don mi a si.

https://bit.ly/3aoENJX