Mipa nunau taksa lam thil thalo tuahnak, sualthlahnak lam thuhla le a dang thuhla pawl, Pope Francis le France Prime Minister in reltlang October 18, 2021

Mipa nunau taksa lam thil thalo tuahnak, sualthlahnak lam thuhla le a dang thuhla pawl, Pope Francis le France Prime Minister in reltlang

October 18, 2021

              Pope Francis in France Prime Minister Jean Castex cohlangin a rak tong. Annih pahnih cu ziang vek tong lehnak hman tul loin thazet in an reltlang thei. Ziangruangahtile France Prime Minister cu France le Spain ramri khuapiah a rak thanglian ih Spain tong khal thaten a tong thei. An tongawk caan cu minute 30 hrawng a rei.

              Pope thawn thu an reltlang laiah thuhla tampi asimi Lebanon, Iraq, Turkey pawl ih dinhmun thawn pehpar aw in an hmuhnak an sim awknak ah a bang aw mi ruah nak an neih thu, cutivekin Glasgow ah reilote ih tuah dingmi COP26 tikcu thawn pehpar mi thurelkhawmnak khal an ngaihsak thu, France ram ih biaknak lam hotu pawl cu 1950 ihsin thokin tuahsual mi nulepa sinak lam sualnak pawl thawn pehpar aw in tubaite ih a suak mi thu pawl thawn pehpar aw in Kohhran pi dinhmun in ziangtin felfai ter ding timi thu pawl khal an rel tlang thu, cutivekin himi sualnak thawn pehpar aw in sual thlah nak saramentu tuah nak ding thu (the seal of confession) kha rem dingin ziangtin tuah ding timi thu, mipa nunau taksa lam sualnak tuahnak a tuar tu pawl khal ziang tin simfiang ding timi an reltlang thu, atuvekin hmailam hrang thil tha tonawk nak ah laksawng pawl an pe aw tiin an sim.

              France Prime Minister cu Pope hnen Paris ih St. Germain bawlung form khal laksawng tiin a lei sak ih, cumi form cu Argentina bawlung lek thiam Lionel Messi ih lethmat khal a tel. Pope in Prime Minister hnen "tha work that goes into tha grap, into the vine, helps us to work towords eternal life" timi ca tel mi lungto zuk suai mi pakhat laksawng ah a pe. Cutivekin Pope in a suah mi capi pawl asimi Sunni Islam biaknak lam hotu thawn lethmat an tthut mi capi pawl khal laksawng a pe. Himi thuthang cu Rome Reports thuthang ihsin kan don mi a si.

Photo courtesy of Free Press Journal 

https://bit.ly/3pw1YeK