Mithahnak le tuahmawhnak felfai ter dingah Pathian hmin hmannak cawl uh tiah Pope in sim

Mithahnak le tuahmawhnak felfai ter dingah Pathian hmin hmannak cawl uh tiah Pope in sim

          “Huatawknak, tuahmawhnak, ruahnak luan pawl le ruahnak peng pawl thangphawk dingah biaknak pawl hmangih thahnak, ram ihsin dawinak, tuahmawhnak le namnehnak pawl felfai ter dingah Pathian ih hmin hmannak hrial dingin a thar in zaangfah ka lo dil,” tiah Aug 22 ih tuah mi biaknak lam lole zumnak parah hrambun in UN leitlunhuap tuahmawhnak tuar tu pawl ni ah Pope in twitter ah a rak tarlang.

          Leitlunhuap ih mipum a hrek luan um mi ram pawl ah biaknak lam zalennak cu kan dung rei lo te ih an rak bal thu Pontifical Foundation Aid to the Church in Need International (Kirche in Not) ih tarlang vekin kum reipi biaknak lam zalennak lam ih buainak a rak zingzoi. Not Deutschland ih Kirche director, Florian Ripka in hremnak ih thu hrampi pawl cu Vatican Radio ah a rak sim.

          Biaknak lam zalennak tel in milai covo zaten balnak pawl a tam vivonak cu thuneitu pawl le hramthok hi pawlkom pawl ih hohanak hnuai ah thuneihnak kilhimnak le komnak pawl ruangah leitlunhuap ih a cannak a si thu a rak sim.

          A pahnihnak cu Islam ram pawl thawn pehtlaihnak a um. Burkina Faso, Niger, Mali, le Mozambique ram pawl vekin sub-Saharan Africa ah ziang a cang rero tiin kan ruah a har zet. Hi ram zate ah, acozah pawl in Boko Haram le Islam ramthen tiih kawh mi a thluntu pawl an mal vivo thlang ti kan hmu thei.

          Hremnak tong rero mi biaknak lam pawlkom tamsawn cu mipum mal mi biaknak lam pawlkom an si. Asinan, biaknak lam pawlkom tamsawn cu Nigeria, Nicaragua ah hremnak a tam sinsin.

          A thangso mi ram pawl ah, social media hrial in biaknak lam pawlkom pawl do dingah an hmang. Cuvek thilcang pawl cu zalen zet ih zumnak, ruahnak, biaknak, pholangnak, cangvaihnak, le tonawknak tel in hramthok manhlatnak pawl a rak siatsuah ter.

          Pulhnat theh hnu, leitlun killi ih hmun tamsawn ah biaknak lam ah hminthang mi biaknak lam puai pawl tuah dingah zumtu tampi an um kha hmuh a si.

          Aid to the Church in Need International in, biaknak phunphun thurelnak hramthok pawl a tam deuhdeuh tiah a tarlang. Pope Francis le leitlunhuap ih a dang Pawlpi hruaitu pawl in a dang biaknak lam pawlkom pawl thawn an pehtlaihnak an rak kau ter tiah Fratelli Tutti le biaknak phunphun thureltlangnak tampi in tahthimnak ah an langter.

          Hi thuthang cu Vatican News ih kan ngah mi a si.