Mithianghlim Boniface (June-5)

Mithianghlim Boniface (June-5)

  Germany ram ih tirhthlah a si mi Mithianghlim Boniface cu kum 673 ah England ram Cregiton ah a rak suak. A kumnga ah an inn a ra lengtu Yatih Puithiam pawl ih tong mi a ngai theh hnuah a nunnak Pathian hrangih ap dingah a rak rel cat. Nursling ih um benedict Puithiam tlawngih a luh hnuah cui tlawng ih lam hruai tu ah an ret. Ca zir nak lam ah a thiam nak in mifim tampi a rak hip thei ih cu pawl hrangah a hmin thang zet mi Latin grammar ca uk a rak ngan. Puithiam can nak a ngah hnuah Cathianghlim cu a hram thok nak ah hmang in thatho ter tu catlang pawl thawn Pathian thu a rak ngan thok.

         Kum 718 ah Pope Gregory II in Germany ih Pathian thuthangtha phuang dingah thu neih nak a pek. Khuavang biaknak pawl ih zumnak dik lo pawl hloral ter dingah Gugenbery tlang zim ih um Dobar ih a thianghlim mi thiil thing an timi cu a hau sak. Vancung ih cawhkuan nak a hngak rero tu pawl cu an milem biak mi pawl in an biakinn an humhim sak thei lo thu an rak thei.

         Cui caan ihsin thokin Pathian thu cu a rak karh. Biakinn thar pawl le Sr. tlawng pawl an ram ah a rak sak. A hnatuan mi pawl upat sunloih nak pe dingah Pope Gregory III in Boriface cu mainz ih Bishop si ding ah a hril ih cuticun Germany ram hrangah Archbishop hmin a rak pek.

         Boniface in a thih hlan te ih caan a neih mi pawl cu Netherlan ram ih Pathian thei lotu pawl hnen ih Pathian thu sim dingah a thinlung a bot cat. Kum 754 ah Doc Quote ah a rualpi pawl thawn thah nak an rak tuar. Cui thah a tuar tu pawl an phum nak Fulda Puithiam tlawng ahcun thah a tuar hlan deuh te ah a lu par ih a ret mi cauk cu an ret that. Cui cauk cu nam hriamhma pawl ruangah a kuar theh ih thah a tuar tu Boniface ih thi pawl a kai theh a si.

         Boniface in a thih hlan te ih a caan neih mi pawl cu Netherland ram ih Pathain thei hrih lo tu pawl hnen ih thuthangtha simih hmang dingah a rak bot cat.