Mithianghlim Norbert (June-6)

Mithianghlim Norbert (June-6)

Mithianghlim Norbert cu kum 1080 ah Germany ram Cleves ah a rak suak. A nunnak cu leitlun nomnak ah a rak hmang. A mah cu Deacon ah a rak cang. Asinan, hman a tlak lo mi a thinlung thawn in a si. A kum 33 ih rin lo ih thilcang pakhat cu a nuntuzia thleng nakah a rak cang. A ringzet mi teekthlak nak ruangah a Rang cu a lau tuk                                                                                      ruangah a cawl ih a mah cu leipar ah a tlak ih a rak thi zik te. Nazi pakhat hrawng a rei hnu ah mithianghlim Norbert cu an hung thei awk sal ih Pathian hnenah, “Bawipa ziang tuah ding ah so i duh?” tiah a rak sut. “Thil tha lo tuahnak ban san in a tha lam ah pan aw. Remdaih nak hawl aw. Cu mi pawl cu thlun aw,” tiah aw pakhat in a sim.

            A mah cu Xanten in a feh ih cui hmun ih Puithiam can nak ding hrangah a ralrin cia nak in, thlacam nak le sual thlah nak pawl thawn a nun a rak hmang. A tumtah nak pawl le a thinlung tlaitluan nak pawl hmuh duh ah a neih mi zaten mifarah pawl a pek ih Pope a pahnih nak Gelasius hnenah mi theih in sual a rak thlah. Pope Gelasius in a thungrul  sal nak ah a duh nak hmun tin ih Pathian thuthangtha phuan thei nak caan tha a rak pek.

             Kum 1121 ah Norbert in mipi mal nak Premontre tlang karlak ih a rualpi Puithiam 13 thawn pawlkom that pakhat a rak din.

            Kum 1125 ah Pope a pahnih nak Honorius in mipi pawl ih theih ah an nemhnget. Cui hnu kumnga rei ah Norbert Magdeburg ih Bishop can nak a rak ngah. A mah cu cui khuapi sungih mifarah vekin thuam aw in a feh ruangah Bishop tlawng a kiltu pawl in a sung luh an awn lo in a dang pawl cu Bishop an si tin a au tikah Norbert in tih phang zet ih a um mi Bishop tlawng a kiltu pa hnenah a poi lo ka naupa, nang cun hi tawk ih i thlah tu ai in thil dik na tuah a si,” tiah a rak sim. A tuanvo thar khal Yatih pawl ih an rak tuah cia vek in a rak tuah. A dik lo mi thil tuah nak le thil tha lo pawl hlo dingah pawlpi sung thil thleng dingah thukam an tuah. Kum 1134 ah mithianghlim Norbert cu Magdeburg ah a thi ih a ruh reu pawl cu Bohemia ih um Strahov Puithiam tlawng ah tu ni tiang in a um lai.