Myanmar Cardinal in Pope ih Asia ram a thlawnnak thawngin zumnak in thar thawh sal ding tiah  ruahsan.(August 20, 2024)

Myanmar Cardinal in Pope ih Asia ram a thlawnnak thawngin zumnak in thar thawh sal ding tiah  ruahsan.(August 20, 2024)

Pope kha a mah rori hmuhnak lawng silo in a tlawnnak ding pawlpi pawl ih an nunram le an zumnak ah a thar in a tharthawhsal ding tiah Yangon Bishop  asi mi Cardinal Charles Maung Bo in Vatican media ih interview an tuahnak ah a rak sim.

Federation of the Asian Bishop' Conferences (FABC) president asi mi Cadinal cu Catholic biaknak ah mipum malsawn a si mi Asian ram pawl ah tlawng dingah Pope in ruahnak a rak neinak khal cu a lung a rak kim zet.

Pope Francis cu Setember 2-13 tiah rori Papua New Guinea, Timor-Leste le Singapore ram ah a tlawng dingih a Tuukhal khual tlawnnak a vei 45nak ramleng a tlawnnak ah Pope a tuanthok in a rei bik mi a tuukhal khawltlawnnak a si ding.

Cadinal Bo in Pope Francis ih  khualtlawnnak cu nunphung le ti daan phunkim tamzet lakih a um mi a bangaw lo mi Asian hmun ram sungah a thukdeuh mi thurel tlangnak pawl din tlangnak ah a thupi zet mi Tawhfung a si thu Cardinal Bo ih a rak sim.

Holy Father in Asia ram ih Christian Pawlpi pawl ih an bangawk lonak pawl le a minung pawl ih zumnak khal a hmu ding tiah ram palai in khal a rak sim.

An neihnun daan, an farah daan, mi tam sawn siseh, mi malsawn siseh, ram tinkim ah hniksaknak pawl tuar asi rero ko nan ram mipi pawl ih zumnak cu a hmun ringring ko tiah a sim bet.

Cui hleiah Cardinal Bo in a ralai ding mi a Tuukhal khual tlawnnak cu ramkhel, sumdawnnak , nunphung le zincihmuh thawn pehpar in hniksak (zuamawk) nak a tuar rero tu Asian ram mi pawl ih thinlung kha a khaisan thei ding thu, thu pit in a sim.

Cuitlunah Pope cu a thinlung thawn a naihniam aw mi a si mi a mai khual tlawnnak sungah nikhua lam thawn pehpar mi kilkhawinak kha rel tlawng ding khal ah zum a um tiah a sim.

Kan ni khal in kiangkap ah um thei nawn lo in zate thathnemnak hrangah nikhua kilhimnak tuah bet dingah tha tho zet in kan tel ve a tul. Asia Church cu hmunram sung le leitlun pi ah hi thlengawk nak tuah dingnakah a thupi bik mi kan si a tul tiah Cardinal in a rak sim. hi mi thuthang cu rva thuthang in kan don mi a si.