Myanmar Catholic Puithiam ih tuah mi Film cu a rei hlan ah ram 67 ah an tarlang thlang ding. September 19, 2020

Myanmar Catholic Puithiam ih tuah mi Film cu a rei hlan ah ram 67 ah an tarlang thlang ding. September 19, 2020

         Myanmar Catholic Puithiam le Radio Veritas Asia Kachin Service ih Coordinator a si mi dah mi Fr. John La Raw ih tuah mi film cu tu hnu rei lo te ah Asia le Africa ram ih ram 67 ah an tarlang thlang ding a si. A tuah tu Fr. a mah rori in a Facebook cahmai ih a rak than mi a si.

         Rualpi pawl ka film "MA MA" cu Asia le Africa via Tiger ih ram ah thrill pay TV channel ah an tarlang ding tiah Fr. in a rak ngan. A thrill pay TV "Celestial Tiger" ti tla ih kawh mi in "MA MA" ti mi film cu Asia ram, ram 12 le Africa ram, ram 55 pawl ih tarlang thlang dingah a lungkim,"tiah Fr. in a Facebook cahmai ah a rak ngan. Hi lemnung thu cu zalen zet ih um a duh mi Yangon ih MA MA pakhat in nau a ken mi naute ih Pa thawn a tha deuh mi hmailam caan nei dingah rit theih thil a tham ti mi thu a si.

         A pasal ih nauthla dingih a ti mi cun a tha a tho ter deuh deuh. Curuangah a mah ten naute cawm dingah le nuncan tha ih nung dingah a botcat ih rittheih thil a tham nawn lo. Asinain, a boss in feh a on lo.  Mirang tong ih ngan mi pawl thawn tuah mi hi lemnung cu Hongkong, Macau, Singapore, Malaysia, Brunei Darussalam, Indonesia, Vietnam, Philippines le a dang an tumtah mi ram pawl ah an tarlang cing ding. Angola, Cameroon, Congo, Kenya, Ethiopia, Malawi, Senegal, Rwanda, Sudan, Zimbabwe le a dang pawl ah khal an tarlang ding. Siangbawi a can hlan 2001 hlan pi ihsin Myitkyina Diocese ih Social Communication Office hrangah film pali Fr. John in a rak tuah dah zo.

         Puithiam cannak a ngah hnu kum rei lo te ah Radio Veritas Asia Kachin Service ih Coordinator dinhmun in Manila ah a rak tuan.A Bishop, Monsignor Francis Daw Tang ih tha pek nak in Fr. John cu South Korea ah film tuah dan pawl zir dingah Seoul ih um Chung-Ang University ah a rak feh.  Kum 2016 ih a film 'The Confession' ti mi cu Rome khuapi, the Mirable Dictu-the International Catholic Film Festival ih a tha bik mi  Film tawite ah a rak tel ve.

         Hi thuthang cu 19 September 2020 ah RVA thuthang ih kan ngah mi a si.

https://bit.ly/2RUgtHw