Myanmar Parish in Faith and the Word of God (zumnak le Pathian ih tongkam) ti min training tuah (March 4, 2023)

Myanmar Parish in Faith and the Word of God (zumnak le Pathian ih tongkam) ti min training tuah (March 4, 2023)

Myanmar Parish in Faith and the Word of God (zumnak le Pathian ih tongkam) ti min training hmaisabik training cu Myanmar ram, Myitkyina Diocese ih the Shatapru Parish’s Education Comission ih tuah mi cu Feb 26 ah hlawhtling ten an rak suak.

Vicar General le Parish Puithiam, Monsignor Peter Hka Awng Tu in lungawi thusimnak Missa a rak tuah ih zinglam nazi 7:00 am ah zumtu pawl le training ih tel tu pawl thawn program sunloihnak an rak tuah.

Hi tindaan cu thukam pathum latu pawl le mino pawl hrangah tumtah in dik zet ih theifiang dingin bawm dingah le an zumnak man nei ter dingah le mino pawl ih pursum leilannak ngah dingah a si.

           Training cu thlathum sung (Oct 22, 2022- Feb 05, 2023) tiang tuah mi program a si. Hi tindaan cu Zarhte le Zarhpi ni lawngah an tuah. Cu lawngah tlawngta pawl le hnatuan nei tu pawl tla an tel thei ding.

           Tindaan theh hnuah, thusuhnak le thulehnak cu St. Patrick’s Hall ah Feb 11 ah an rak tuah.

           Shatapru Parish ih hotu, Msgr. Peter ih lamhruainak thawn tindaan ih tel tu pawl an rak zirh.

           Kum 14 vuakvel pawl tindaan ah an rak tel thei ih mipum 100 hrawng an rak kai; Asinan, minung 42 lawngin sunloihnak certificate an rak dong.

           Sunloihnak laksawng certificate peknak ah, Ms. Cecilia Latsen Ban Htoi (St. Patrick) in pakhatnak a rak ngah.

           Ms. Elizabeth Ja Seng Awng in pahnihnak (St. Patrick) a rak ngah ih Mrs. Rosa Ja Nang (St. John Paul) in pathumnak a rak ngah.

           Cui hnu ah, tikcu kheel ih tindaan kaitu zaten sunloihnak certificate an rak pek.

           Hi thuthang cu RVA thuthang ih kan ngah mi a si.

          https://bit.ly/3IQvK65