Myanmar ram ih hlanlai Catholic Biakinn kang

assumption_church_meisa_thawn_ur_tuar

Myanmar ram ih hlanlai Catholic Biakinn kang
Myanmar ram, Mandalay Archdiocese, Chan Thar yua ih kum 129 rei mi Assumption Biakinn cu Jan 15 ah a rak kang. The Fides News ih tarlang vek a si le Mandalay Archdiocese sungih, Sagaing hmun kiangkap, Chan Thar Yua ih um hlanlai Assumption Biakinn cu Kawlram ralkap in an rak ur. Biakinn cu 1894 ah an rak sak ih cu mi cu Kawlram ih hlanlai le thuanthu sungtel mi Biakinn pawl sungin pakhat a si ve.
Myanmar ih hmaisabik Bishop, Archbishop Joseph U Win cu hi Biakinn ah Baptism a rak lak. Mandalay Archdiocese ih Archbishop Marco Tin Win in, ‘hmun hrekkhat pawl cu tuahmawhnak an tuar. Bawipa kan hnenah a um ti kan theih ruangah ruahsannak kan nei,’ tiah Fides News ah a rak sim. Archbishop in Myanmar mipi pawl in harsatnak tampi an tuar caan a si tiah
a rak sim.
“Mandalay Archdiocese leiram ih hrekkhat cu ralbuainak ruangah a rak siat ih kan thin a nuam lo zet. Kan mah in Catholic Parish panga ih din mi center 5 ah thawng za leng lo mi mipi pawl kan bawm rero,” tiah hngetkhoh zet in a rak sim. The Fides News in kum 100 rei mi Biakinn kiangih ‘Franciscan Missionary of Mary (FMM) convent khal cui ni thotho ah a rak kang tiah a rak tarlang. Tlawng cu 1919 ah an rak sak ih kan dung kum 3 ah centenary Jubilee an rak tuah.
Puithiam inn thar khal a kang. 2019 ah Assumption Biakinn ih kum 125 nak Jubilee caanserh ah tuah a rak si. Hi thuthang cu RVA thuthang ih kan ngah mi a si.
https://bit.ly/3WudfJD

Add new comment

3 + 6 =