Naples ah St Januarius ih thi mangbangza in a veithumnak a tii tiah sim. (Dec 16, 2022)

Naples ah St Januarius ih thi mangbangza in a veithumnak a tii tiah sim.

(Dec 16, 2022)

         St. Januarius thisen ret mi cu tui kum Dec 16, 2022 tlawngkai ninga ni ah thlalang bawmte sungih a thisen ret mi a tii. Corriere della sera thuthangin thisen a titnak mangbangza cu Naples Cathedral Biakinn pi ih St. Januarius thisen retnak Tresury ah zinglam 10: 56 am ah a can thu Dec 16 ni ah an tarlang.

        Biakinn pulpit ah Msgr Vincenzo De Gregorio cu St. Januarius ih relic retnak zinglamih a zoh tikah thisen cu khal in a hmu ih nazi a rei deuh hnuah malte ten a thleng aw vivi tiah a rak sim. Dec 16 ni cu 1631 kum ih Vesuvius meisa tlang a puaknak hngilh lonak ni a si. Cui hmun ih Naples miphun pawl cu bawmte thisen retnak a thleng aw maw tiah kum  tin kumkhat ah veithum an zoh theu. Hi mangbangza thu hi Naples miphun pawl cun an zum zet ko nan Nu Pawlpi ih namhnget nak, lungkim pi nak a um hrih lo.

        Italy ih San Gennaro ti ih mi theih tam mi St.Januarius cu Naples ih ram kilkhawi tu hminthang zet mi mithianghlim a si. Hi Puithiam cu Siangpahrang Diocletian ih Christian pawl a hrem laifangah a nunnak a rak cem. Hi mi mithianghlim in thuanthu ah thisen luannak, Ral buainak, pamnak, natnak asilole a dang harsatnak pawl a um ding caanah theih ternak a nei theu tiah hi hmunih mipi pawl in an sim theu.

        Hi mi thisen cu kumkhat sungah a malbik veithum a ti (zup) ih Sep 19, mithianghlim pawl puai ni, May thla zarh hmaisa bik zarhte ni le Dec 16, 1631 ih Vesuvius meisa tlang a puaknak hngilh lonak ni ah mithianghlim ih thi retnak bawmte sungta cu a ti theu. Palang hlumte (thisen retnak bawm) sungih a um mi kum zabi pathum lai ih Puithiam pai thisen cu 2020 ah  May thla le September thla ah a ti nan December thla ah cun zianghman thlengawk nak a rak um lo.

       Tuikum December thla ih Chapel biakinn te sungih a ra khawmtu pawl hnenah Msgr De Gregorio in St. Januarius mangbangza  thu le a mi dam ter theinak thu a sim tin Kawhhran mipi pawl in an sim. Cumi ah mino te a si lai mi pacang pakhat le naute a cawi tu nunau pakhat cu mithmai nuam lo zet le mithli tla phah in an ding. An naute cu cancer nat a nei ih thinnuam lo zet in an um thu hmuh a theih tiah Mattino in a sim. Hi mi tei nupa in Mithianghlim Januarius hnen ah thla an cam ih a rei tuk hlan ah an naute ih tuar mi natnak cu a bolnakin nuamte ten a nemvivo hnuah a dam sal  tiah thuthang a leng tiah an sim.

https://bit.ly/3YwFlGs