Nauthlaknak do tlang thei dingah Macau Bishop pawl in zuam May 26, 2022

nauthlaknak_do_dingah_macau_bishop_pawl_in_zuam

Nauthlaknak do tlang thei dingah Macau Bishop pawl in zuam

(May 26, 2022)

          A hlan Portugal Colony hmun ah nauthlaknak do tlang thei dingah duhdawtnak le nunram cin le daan pawl khaisang dingah Catholic pawl le a dang biaknak pawl hnenah Macau Bishop Stephen Lee Bun Sang in thazaang pek in a rak forh. Kan dung ni rei lo te, 2019 ah American drama “Unplanned” cu Macau Catholic Pawlpi in a rak tarlang.

          Mai hmuhton mi drama “Unplanned” cu a hlan ah nu le pa nunram tumtahnak lam thawn pehpar mi siikhaan director pakhat rak si dah tu Abby Johnson in 2011 ah a rak ngan ih cui pawlkom cu nauthlak khamnak thawn pehpar mi harhdamnak lam hnatuan pawl leitlunhuap ih tuah sak rero tu hlawknak a lak lo mi pawlkom pakhat a si. Neta ah Johnson cu nauthlaknak donak ah thatho zet ih tel tu hruaitu pakhat ah a rak thleng awk.

          May 14 ah Macau Catholic Diocese Media zung, Macau nu hnawi ti peknak le nauhak kilhimnak pawlkom, Macau thinlung lam ih tlasam mi kut ke kim lo pawl bawmnak lam pawlkom pawl ih bawmnak thawn Catholic in drama zung Cineteatro de Macau ah cui zuknung a rak tarlang. Macau Catholic Pawlpi dinhmun in cui drama tarlangnak cu “siikhaan pakhat sung nauthlaknak ah tuah daan a sang sang ih thudik tuah daan” tarlang ding a tumtah lo thu Bishop Bun Sang in a rak sim.

          Cu mi tarlangnak ih tumtahnak cu nauthlaknak par Pawlpi in ziang vek hmuhnak a neih thu langter dingah a tumtah lo thu, thudik thuhman lawng sim dingah a si thu, a hleice in siikhaan ah nauthlak dingih tuah daan a sang sang ih langter ding lawng a si tiah a rak sim bet. Ziangvek thuhla ruangah khal siseh la ziangvek nunnak hman siatsuah dingah on lo dingin Bishop Lee in a rak sim.

          Pumsung nau in nunnak an nei lo tiih simnak cu milai nunnak ziang vekin a thok ihsin a sang sang in a thangso ti mi anthropology thawn pehpar mi hramthoknak ziang siar lonak a si tiin khal a rak sim. Nunau pawl dinhmun in an taksa an duh daan daan in (nauthlaknak tel in) ziang khal tuah sehla tuah theinak an nei tiih cohlannak cu nunau covo ah nunau ruahnak tha lo pawl in palh zet in an langsar ternak a si. Nuntu khuasaknak thawn pehpar mi thusuhnak pawl thawn pehpar in minung pawl ih nunnak lawng hi hmaisa ah upat a tul tiah a rak sim.

          Nauthlaknak nunram cu thih tiang nunram khaisang dingah tlawnginn pawl tel in Macau mipi a forhfial thu khal a rak sim.1557-1999 sung Macau cu Portugal ram in a rak uk ih thap aw ih lehnak le lehnak puai pawl tampinak khuapi a rak si. Macau ih nuamnak lam sumdawnnak hnatuan a thanso ruangah nunau upa tilo nauhak tilo in nupa sualnak hrang an thupit thlang ih cu mi ih suak mi an duh lo mi nauvonnak a cang thlang.

          2012 sungah nunau 1000 sungin 43 cu nau an rak thlak thu Lancet siivai lam journal ah a tarlang. Macau ah nauthlaknak cu nemhnget ih siar mi a um lo nan thuthang Media pawl ih sim mi vek a si le nauhtlaknak zateek cu 1950 ihsin nauthlak on mi China ram pi ah a tam zet lai tiah a sim .

          Hi thuthang cu RVA thuthang ih kan ngah mi a si.

https://bit.ly/3NlQBiH

Add new comment

12 + 5 =