Nazi pawl ih thah tuar mi Martyr nupa le an fa 7 pawl sunloih upat tlak (beatification) ni than.

nazi_pawl_ih_thah_tuar_mi_beatification_ni_than.

Nazi pawl ih thah tuar mi Martyr nupa le an fa 7 pawl sunloih upat tlak (beatification) ni than.

          Poland ram an inn ah Jew innsang pawl an rak thup ruangah Nazi pawl ih thah mi Jozef le Wiktoria Ulma le an fa 7 pawl cu sunloih upat tlak (beatification) ni an than zo. Przemysha Archdiocese in tlawngkai nihnih ah an fa suak hrih lo mi tel in Ulma innsang cu September 10 ah beatification pek an si ding.

          Vatican ih Mithianghlim khaisannak thawn pehpar mi ih Cardinal Marcello Semeraro in 1944 ah Ulma innsang thah an tuar nak ni cu nisuahnak thlanglam Poland ih Markowa khua ah beatification cememony a hoha ding. Pope Francis in December ah an nupa le an fa 7 pawl martyr an sinak a rak nemhnget. World Holocaust Remembrance Center in Ulmas tei cu an nunnak hrang an ram ih thudik hrang a zuam tu tiin upat nak an pek.

          1944 March 24 ah Nazi pawl cu nisuahnak thlanglam Poland ram Markowa khua ih um Jozef le Wiktoria Ulma tei inn an rak kulh. Jew mi 8 cu an inn ah an rak relh ter ih thah an tuar.

          Nazi palik in thla 7 naute a von lai tu Wiktoria a that ih cuihnu ah Jozef a that. Cutiin in an fate pawl cu an nu le an pa rapthlak zet ih an that nak an hmu ih an au, cutiin an nih khal Nazi pawl in an kap that. Anmah pawl cu kum 8 mi Stanislawa, 7 Barbara, 6 Wladyslaw, 4 Franciszek, 3 Antoni, 2 Maria pawl an si.

          Ulma innsang hrang thudik a rak sim tu Fr.Wiltold Burda in Ulma tei innsung ah Bible ca tlang Samaritan mi tha pa timi catluan bawlpen ti sen ih rin mi an hmuh thu a sim. Puithiam in Jozef le Wiktoria tei cu an pawlkom in "an inn sangka a king tu pawl hrang zo vek an si khalle bawm dingah" tiin an thei.

          "Annih in an innsang  cu thukham sung ih pahnih asimi Pathina duhdawt ding timi le mai innhnen duh dawt ding timi thawn ralthat nak le rintlak nak thawn an innsang an din" tiin Burda in a sim. Himi thuthang cu Catholic News Agency ihsin kan don mi a si.

https://bit.ly/3YSbMOT

Add new comment

4 + 0 =