New International Youth Traing Ceter Thailand ah din. (June 16, 2023)

New International Youth Traing Ceter Thailand ah din. (June 16, 2023)

          Thailand Bishop pakhat in Doikaew ih the Holy Trinity Chapel le International Youth Training Center (IYTC) cu Thailand ram, Chiang Mai, Chomthong ah Jung 4 ah thluasuah a rak pek. Chiang Mai Diocese ih Bishop Francis Xavier Vira Arpondratana in chapel le Pax Romana (Roman peace) ruahnak tha petu, Fr. Jojo M. Fung umnak center, International Movement of Catholic Students- Asia Pacific, le a dang mikhual pawl tel in thluasuah a rak pek.

          Fung cu Philippines ram, Manila khuapi ih the Loyola School of Theology tlawng ih zirh rero tu Malaysian Jesuit Puithiam pakhat a si. Mipi, innsungsang, le mino pawl ih Dicastery in a mah cu International Chaplain of Pax Romana pakhat dinhmun in July, 2020 ah tuanvo an rak pek.

          Mino pawl le mikhual pawl umkhawmnak pholang phah in, Fung in, Chapel le center saknak hrangih a hlu tu pawl, a sawmdawl tu pawl, le rualpi pawl hnenah lungawi thu a rak sim. A thusim mi ah, Bishop Arpondratana in, chapel le IYTC in Asia le le Pacific ih mino pawl cu an tindaan, thu zirhnak le thlacamnak lam ih sawmdawl dingah a tuah ding tiah a rak sim.

          International lay Catholic movement, Pax Romana cu 1921 ah an rak din. Cu mi in cangvaihnak hleice 2 a nei: the International Movement of Catholic Students (IMCS) le the Interational Movement for Intellectual and Cultural Affairs (ICMICA) ti a si.

          Catholic University pawl ih leitlunhuap tlawngta pawlkom pakhat, IMCS in nunphung thar tuahnak le milai sinak tuah dingah lamhmuhtu Christian hruaitu pawl tindaan a pek. Nunphung sumdawnnak, cin le daan le thansonak hnatuan ih tel tu pawl khal a pek ve.The Secretariat of the Pax Romana, the Asia pacific ih the International Movement of Catholic Students pawl cu Philippines ram, Metro Manila, Las Pinas ah a um.

          Hi thuthang cu RVA thuthang ih kan ngah mi a si.