New York Archdiocese in Catholic tlawng 12 khar ding.

New York Archdiocese in Catholic tlawng 12 khar ding.

          New York Archdiocese in 2022-2023 fimzir kum theh in tlawng 12 an khar ding ih, khuapi ih sumpai lam remcang lo nak, pulhnat ruangih umnak thawn nak le hmin pek tu an mal vivo ruangah a si.

          "Hi kan duh zet mi tlawng khar ding tiih kan than nak cu ni tha lo zet a si, a sinan kan tumtah mi cu a ralai ding mi New York ih Catholic fimzirnak kiltha dingah le pawlkom pawl hngetkhoh ten ding thei dingah a si" tiin Feb 15 ah New York Archbishop Cardinal Timothy Dolan in a sim.

          Tlawng an khar nak san a dang pakhat cu tlawng 4 cu 2 tiin an kom idng. Tlawng 3 cu phun 6 ihsin phun 8 an phiat ding tiin Archdiocese in an than bet. "Ziangkim ah kan ti thei tawk in a rahsuak tha dingin kan tuah ih tlawngta zaten Catholic tlawng kiang ih lungawi ten cohlan an si ringring. Hmunkhat ten kan um, Pathian ih thluasuah thawn zuamnak thawn kan tuan, phundang zawng in kan ra sal ding" tiin Cardinal Dolan in a sim.

          Archdiocese ih a simnak vekin himi tlawng khar nak ruangih harsat nak tong tu innsang pawl cu Catholic tlawng kiang ah an cohlang ding. Asinan sumpai lam bawm nak scholarship pawl, sumpai peknak pawl cu cui innsang pawl in an co lo ding.

          Phunsal nawn lo ding mi tlawng pawl cu Monhattan ih Academy of St.Paul and St. Ann, Monhattan ih Ascension tlawng, Monhattan ih ih Guardian Angel tlawng, Bronx ih Holy Family tlawng, Bronx ih Immaculate conception tlawng, Monhattan ih Immaculate conception tlawng, Monhattan ih Our Lady, Queen of Martyr, Bronx ih Santa Maria tlawng, Bronx ih St.Angela Merici tlawng, Bronx ih Brendan tlawng, Staten tikulh ih St.Christopher tlawng le Bronx ih St.Margaret Mary tlawng pawl an si.

          Bronx ih Immaculate conception le lamzin no 151 ih tlawng pawl cu an phuan lo ding. Archdiocese in Bronx ih St.Francis Xavier le St.Clare of Assisi pawl cu an ong ding ih cuvek thotho in Bronx ih St.Gabriel tlawng le Cotona ih St.Magaret pawl khal an ong ding.

          Archdiocese ih an sim nak vekin Walden ih Most Precious Blood tlawng, Carmel ih St.James the Apostle le Cortlandt Manor ih St.Columbanus le New York khuapi ih saklam le nitlaknak saklam ta hmuahhmuah ih phun 6,7,8 pawl cu khar an si ding tiin an sim.

          Archdiocese in hmin pek nak, pehtlaihnak le tuition thu pawl ah thusuh mi pawl an sawn ding. "Himi cu innsang tampi hrang harsat nak le hi Catholic tlawng pawl kom ih mi pawl hrang riahsiat za taktak asi ti kan thei thiam" tiin Archdiocese tlawng pawl ih upa Michael Degan in a sim.

          "Keimah khal hi tlawng tha zet kan sung ruangah ka thin a na. Ziang asikhalle New York ah Catholic fimzirnak peh vivo ding ah kan tuah ding. Archdiocese ih a dang a tha zet mi tlawng pawl ah fimzirnak covo tha tlawngta pawl in an hmu ding"

          America ah covid 19 ih a ruah suak mi that lo nak nasa zet in an tuar rero ih fimzir nak khal biakawk men vek fang ah a cang ziang ruangahtile tlawngta tampi cu an thansonak ih phen ah an um. Tlawngta pawl in pulhnat ihsin America Catholic le public school system pawl ah a rah suak tha lo an zir. Ziangasikhale 2022 ih US department of Education ih an simnak vekin public tlawng pawl hnanin Catholic tlawng in phun 4 ihsin 8 tlawng kai lai pawl in pulhnat ruangih a cang mi a rahsuak a tha lo lam in an zir tam.

          National Catholic Education Association ih an sim vekin Catholic tlawng pawl in hmin ap nak cu kan dng kum ah an ram ah zatek 0.3 a thang ih tlawng 5,921 ah tlawngta 1,693,493 an um. Catholic tlawng ih hmin awp nak cu pulhnat hlan hnakin a mal lai. Himi thuthang cu Catholic News Agency ihsin kan don mi a si.

https://bit.ly/3YIdFxZ