Nigeria ah Christmas hnu dotuar nakah mi 200 nunnak cem. (December 29, 2023)

Nigeria ah Christmas hnu dotuar nakah mi 200 nunnak cem. (December 29, 2023)

Nigeria a laifannak Plateau ramthen ih um Christian khua pawl ah Christmas tik cu cem lam ah pehbet in do an tuar nakah Nigeria ram mi Christian 200 hrawng an thi tiah theih a si. Nigeria saklam Sokoto Diocese ih Bishop Matthew Kukah ih do tuarnak pawl bang dingah a cozah hnenah dilnak a rak nei.

Bishop Mathew Kukah in kan dung reilo te ih hril mi Nigeria President Bola Tinubu hnen minung do awknak kham ding thu na tuah lo a si le Pathian le thuanthu in a lo ngaidam lo ding a si. Nang cu Pathian a silole Nigeria mipi pawl hmaiah zianghman ngaidamnak na ngah lo ding a si tiah a rak sim.

Nigeria Catholic network in "Nigeria miphun pawl cu an ruahsannak pawl a cem zik thlang cun ramkhel lam hnatuantu pawl  kan maihrang thatnak  ding ruatin eiruknak a si mi Cancer kha ziangtizawngin faiten kan tuah ding ti mi ti daan pawl hawl uh si" tiah Bishop ih sim kha thupit in a rak lang ter.

Bishop in "a cozah in a ngaingai ah cun a ngaihsak thei tiah a rak sim.

Nigeria ram thawn pehpar mi Amnestly International Nigeria a cozah ih sim nak vek a sile Plateau ramthenah mi 194 an thi ih cuitlunah 148 cu Bokkos ah an thi ih Barkin Ladi ah 27 le Mangu ah 19 in an nunnak a cem thu theih a si.

Bomb puaknak ruangah mi 32604 in liam an tuar ih 161 in an nunnak a cem thu, Nigeria Red Cross  pawlkom in an tarlang. Bomb puaknak ruangah Barkin Ladi le Bokkos ih um mi 84 in a siatsuah ih  minung 29350 in Inn le Lo nei lo in an um. Cuitlunah Bomb puak ruangah Inn 27 a siat ih minung 301 in liam an tuar bet.

Ruahnak luan pawl in 2022 kum Penticost ni khal ah a burbur in an rak that ih Christian, Biaknak puai pawl khal ah Christian mi 50 an rak thi.

Hi donal pawl cu Christian Lothlo tu pawl le Fulani Caw khal pawl karlak ih Miphun le Biaknak thu hmuhthei awk lonak ihsin a suak mi a si thu Lozano in a rak sim.

Kan dung kum 3 sungah International Christian Concern (ICC) in Christian pawl hrangah Middle Belt ah tih a nung bik mi ram pakhat a si tiah an rak ngamhnget ih cu mi pawl ih kumtin an hremnak pawl an theih ternakah Nigeria cu tihnung bik tiah an rak ngam hnget.

Kan dung kum 20 sungah Middle Belt hmunah minung tampi cu Christian inn le lo  nei lo an cangih Christian minung 50000 luan an nunnak a cem. Hi mi thuthang cu RVA thuthangih kan don mi asi.