Nigeria ih Abuja Archdiocese ah Puithiam thar 12 in ordination ngah (August 23, 2022)

Nigeria ih Abuja Archdiocese ah Puithiam thar 12 in ordination ngah

(August 23, 2022)

          Nigeria ah Khristian pawl hmuhsuam an tuar rero caan ah, Abuja khuapi ih Gwarinpa parish ah Catholic pawl in a dang ralthatnak an lang ter. Remdaihnak hmun ahcun kohhran mipi 100 lai an um ih, Deacon 12 cu Abuja ih Parish hotu Archbishop Ignatius A.Kaigama in ordination a pe. Ordination Missa tuah nak ah Archbishop ih thuthangtha a sim mi cu Nigeria ih Puithiam thar pawl prophet Jeremiah vek in um dingah a forhfial. Judah ram ih harsat nak tampi um caan le sumdawnnak lam a hman lo mi cangvaih caan ah Prophet tiin an ret. Amah cu Kohhran ah mi tha vekih um aw ter mi pawl le a dik lomi tuah nak pawl dokalh dingah le pahsuak dingah ti a si.

          A raltha mi prophet Jeremiah vekin Nigeria ih Puithiam thar pawl si dingah "a lenglam ih din that lomi pawl a sinan kan ci le hnam ih a harhdam lo mi a hrampi tuahnak, ram khel le biaknak lam theihthiam lonak, a langsar mi thu hman zingzoi lo in huat nak le a dik lo mi cangvaihnak pawl doral dingah tiin a sim.

          Nigeria ih Khristian pawl cu Muslim misual pawl ih hmuhsuamnak tuletu an tong theu. Curuangah Khristian pawl hrangah kaih tuarnak le hmuhsuamnak cu an ram ih a cang theu mi a si. Vatican thuthang ih an sim nak vekin a liam zo mi thla ruak hrawng ah Puithiam 20 hrawng kaih an tuar. July thal ih zarh khat nak ah mi 5 kaih an tuar.

          Ahleice in Puithiam pawl le Sister pawl in Nigeria ah besia zet in hmuhsuam an tuar. Himi thilcang cu nitlak nak lam Africa ih Islam ih a tum bik mi pawlkom, Boko Haram mi rual pawl an luhnak 2009 ihsin an tong. Nigeria ih Khristian pawl donak a tuah tu bik cu Fulani mi sual pawl an siih Boko Haram le nitlak naklam Africa (ISWAP) pawl in an dung an thlun.

          Open Doors ih an simnak vekin biaknak nei lo pawl in leitlun killi ih Khristian pawl an hmuhsuam ih, 2022 a thok lam thla thum ah Nigeria ih mi 896 a mal bik cu a rap thlak zet mi tuahnak a phunphun in an that. An ram cu leitlun ih hmuhsuam tuar cazin ih 7 nak ah a um tiin an sim. Hi vek buainak tampi caan ah, an ram ah Khristian pawl ralthat nak a thang vivo. Himi thuthang cu Shalom world thuthang ihsin kandon  mi a si.

https://bit.ly/3AJO3ai