Nigeria ih Catholic Biakinn ah a malbik mi 50 thah tuar. (June 5, 2022)

Nigeria ih Catholic Biakinn ah a malbik mi 50 thah tuar.

(June 5, 2022)

            Thuthang ih an simnak vekin zarhpi sun ah Nigeria tlanglam Catholic Biakinn ah biakkhawmnak ih a tel tu pawl cu hriamhrei kai ih do an tuar ih a malbik mi 50 thah an tuar ih thenkhat cu tuamhlawm an si. Nigeria ramthen Ondo, Owo siizung ih siibawi pakhat in Reuter ih asimmi cu ruang 50 hnak ih mal lo cu Owo ih the federal medical center le St.Louis Catholic siizung ah an thawn.

            Ongo ih governor, Arakunrin Akeredolu ih ab simnak ah Owo St.Francis Xavier Catholic biakinn ih Pentecost zarhpi ni biakkhawmlai ih donak a cang mi a si tiin a sim. Biakinn sung tuahmawh nak a cang nakah ruang le thi tampi a um mi cu twitter an post mi ah hmuh a theih. Akeredolu ih a sim mi ah nauhak tampi khal an thi tiin a sim.

            "Tuini St.Francis Catholic Biakinn biakkhawm lai ih a cang mi Owo ih mawh nei lo mipi pawl thah tuar nak le thuhla um loin tuahmawhnak ruangah ka thin a na zet” tiin governor in twitter ah a ngan. “Kum reipi remdai ten a umv mi Owo ih a remdai mipawl nasa zet ih do nak cu The vile le Satanic tuahmawh nak a si.

            A state lawmaker, Ogunmola suyi Oluwole in Associated Press ih a simmi himi a do tu pawl khal thilpuakah  an tuarve tiin a sim. Pope Francis in himi donak a theih hnuVatican khal in zarhpi ni ah an tar lang. An tarlang mi ah “Nigeria, Ondo biakinn  ih do nak cu Pope in a thei ih, Pentecost puaipi tuahnak ih nauhak tampi le zumtu pawl that tuar tu pawl hnen in cawng ding mi aum tiin a sim. Hi thil cang mi thuhla pawl cu a fiang fai zo. Ram ih harsat tuar tu pawl, himi thilcang ruangih nat tuar pawl cu Pathian hnen hlan in Pathian tang ah an thlarau daiten um dingah Pope Francis in thla a cam sak.

            Washington, D.C ih an zingzoi nakin minung covo lawyer Nina Shea le Hudson biaknak lam zalen nak ih mifim pawl in CNA ih an sim mi cu “do awk nak vek” Nigeria ih Catholic le a dang Christian pawl donak a sang ter tiin an sim. Tui tiang a tam bik tuahmawh nak cu Nigeria saklam ah a rak um ih, a tu ram ih thlanglam ih zarhpi ni ih donak a cang nak ah remdaihnak thawn pehtlaih nak a nei.

            “Zarhpi ni mipi pawl thahnak cu biakinn sungah a khat ih kanmah pawl kum reipi saklam Nigeria pawl simsal nak a si. Himicu Islam ruahnak luar pawl ih tuah nak a si” tiin Shea in a sim. Amahin pehbet in “himi tuahmawh nak cu a poimawh zet lai ih himi cu a tum zet mi dinhmun a si. Catholic le a dang Khristian pawl donak tuahnak a karh rero. Nigeriaih biakinn pawl kilhim dingah The Buhari cozah in khuan an pek nak an than.

            Saklam Christian pawl tumtah in tuahmawhnak pawl an than nak parah The Biden administrationle State Antony Blinken ih secretary pawl cu a mawhthluk bet. “Puithiam pawl le Pastor pawl kaihnak le thah nak, Khristian nunau pawl hremnak le Islam a dodal tu pawl thah nak” cuvekpawl cu the Biden administration in The United State Nigeria ihsin an dawi ihsin a thang. “Country of Concern” (CPC)  ram pawl cazin an lak nak ah biaknak lam pawl hmuhsuamnak cazin ah a tel tiin Shea in a sim. Himi thuthangcu Catholi News Agency thuthang ihsin kan donmi a si.

Photo: Romereport

https://bit.ly/3GZveS7