Nigeria ram Edo ramthen ah hriamhrei kai tu pawlkom in Catholic Puithiam pahnih kai (July 04, 2022)

Nigeria ram Edo ramthen ah hriamhrei kai tu pawlkom in Catholic Puithiam pahnih kai

(July 04, 2022)

Nigeria ram, Edo ramthen ah Catholic Puithiam pakhat kan dung rei lo te ah thah a rak tuar ih Catholic Puithiam pahnih hriamhrei kaitu pawlkom pakhat ih kaih an tuar bet.

         Kaih tuartu Puithiam pawl cu St. Patrick Parish ih Fr. Udo Peter a si ih a dang pakhat cu St. Joseph ih Pathian thuruahnak boarder kilkhawitu Fr. Philemon Oboh a si. An pahnih in hmunkhat ih kaih mi an si lo. Hi thilcang cu Ikhabibo St. Patric Parish ih Fr. Christopher Odia kaih a tuar hnu zarhhnih hrawngah a rak cang.

         Cui thil a cannak ramthen ih simrel theinak neitu ih simnak vek a si le cui thilcang a thlen hnu rei lo te ah ralrin peknak a rak um thu, hi thilcang khal Diocese ih tuanvo neitu pawl in ralkap pawl an rak sim thu, hi Puithiam pahnih cu kaih an tuar hnu ah Benin-Auchi le Ehor tluan ih um mi khui tawk hmun ah an ret ti theih a si hrih lo thu, cui hmun kiangkap cu acozah ih thuneihnak ih huapnak hmun a si thu, a dang pakhat cu Iruekpen ah kaih a rak tuar ih hi hmun khal Esan nitlaknak lam acozah ih neih mi ram ah a si. Ralkap thuneitu Alhaji Abutu Yaro in kaih an tuar tiih a zumnak hmun ah a rak thlun cih ih run dingah a rak zuam thu, cui hmun mipi pawl khal tui thilcang thawn pehpar in thuthang pawl pe in bawm cio dingah zaangfah a rak dil.

         Catholic Puithiam pawl hmuitin in tuah mi a tam deuhdeuh ih buainak pakhat ah a rak cang. Cui hmun thuneitu pawl khal in hi vek thilcang thawn pehpar in Catholic Puithiam pawl ih zaangfah dilnak pawl khal kaa cipnak, thei lo vekih an um rero ruangah hriamhrei kaitu pawlkom pawl le Alhaji Abutu Yaro pawlkom pawl cun an tuah ngam deuhdeuh thu, June 25 ah khal cui hmun acozah ih neih mi sungah Catholic Puithiam, Fr. Vitus Borogo thah a rak tuar thu, cui thah tuar tu Puithiam cu Kaduna Archdiocese in a si ih cui thil a can caan ah thah tuar tu Puithiam ih naupa khal hriamhrei kaitu pawlkom ih kaihnak a rak tuar tiah a sim.

         Hi thuthang cu Vatican thuthang ih kan ngah mi a si.

https://bit.ly/3zaOkkP