Nigerian Diocese ah kaihtuartu Puithiam hrang thlacamsak dingah dil.(September 21, 2023)

Nigerian Diocese ah kaihtuartu Puithiam hrang thlacamsak dingah dil.(September 21, 2023)

Nigeria ih Enugu diocese ah september 17 ih kaih a tuartu Fr Marcellinius Obilma Okide himten a um thei nak ding hrangah thlacam tlang dingah an sawm.

                                                                                                                     Enugu diocese ih Chancellor, Fr wilfred Chisi Agubuchie in September 19 ni ih kaih a tuarnak thuhla pawl a fiangzet in a rak than.

Fr Okide cu a mai umnak St.Mary Amofia Agu Affa Parish ah zanlamih a tlun laiah laamzin ah kaih a tuarnak a si. Hi mi Parish cu amai umnak hmun a si.

Father Agubuchie in Fr Okide zamrangten a luat theinak dingah le a kaitu pawl an thinlung an thleng theinak dingah Diocese pi in nan thlacamnak a lo dil tiah a sim.

Hi mi thil tha lo tuahnak in kanmah mipi pawl in hnaihnok ringring lai tiah Puithiam in a sim bet.

Pehbet in a sim mi cu kaihtuartu pawl luat dingih a ra tu Bawipa (Lk 4:18) kan unau pawl hi kan ral kut sungin run luat ter awla Nigeria ram ih ruun hram aw tiah a sim.  

Rampi hi Islamic ram si dingah a thleng tumtu, Boko Haram ih  2009 ih cangviahnak ruangah Nigeria ram ih Christian Puithiam pawl le Christian zate hrangah himnak a um nawn lo tiah a sim.

Africa ram ih pawlkom a tum bik mi Islamist lakah hi pawlkom pawl in cuisinthokin mipi pawl hleiah biaknak lam le ramkhel lam pawl khal thleidang lo in donak an tuah theu tiah a sim.

August thla ni 2 ah Puithiam pakhat le Siangbawi tlawngta pakhat an kai thu Minna diocese in a tarlang.

August 23 ah Mali ih Fr Paul Sanogo le Tanzania ih Melchior Mahinini tlawngta cu zarhthum hnuah an thlah sal tiah an sim. Hi mi thuthang cu RVA Thuthangih kan don mi a si.