Nisuahnak lam India ramthen ih Minister Naveen Patnaik in Vatican ah Pope tong. (June 23, 2022)

nisuahnak_lam_minister_in_pope_francis_tong

Nisuahnak lam India ramthen ih Minister Naveen Patnaik in Vatican ah Pope tong. (June 23, 2022)

            June 22 ah Pope Francis in Vatican ah nisuahnak lam India ramthen Odisha ih minister Naveen patnaik a tong. "Vatican khuapi ih Pope Francis ka tong nakah ka lung a awi. Hlunghlai ten a rak cohlang nak parah a lung a awi ih Pope harhdam dingah le sansau dingah sa duh a that sak" thu a social media ah a tar lang.

           Odisha a iawhtu Patnaik in Pope hnen "Pattachitra" nunram thingkung zuk suai mi laksawng a pek. A dang lam zet mi nunphung zuk suai mi cu Odisha ih kuthiam le zuk suai thiam nak a aiawh. Vatican ih ummi India ram ihsin mi tampi Catholic Puithiam le Sister pawl cu Odisha ih minister an hmu ih an lung awi zet. A dam sak ding an beisei.

           Patnaik cu high level aiawhtu tiin Rome le Dubai ah ni 11 sung khual a tlawng ih, cumicu Rome ih World Food Programme (WFP) zung ih feh dingah asiih, in nei lam le harsat nak thu rel khawm dingah Odisha ih 'transformation journey' a si. Himi thuthang cu RVA thuthang ihsin kan don mi a si.

https://bit.ly/3NjIBOq

Add new comment

3 + 4 =