Nitha tha hmang tu a hmaisabik an si ruangah Philippine Dioceses cu Vatican in a lawm. June 23, 2020

Nitha suahnak tha hmang tu a hmaisabik an si ruangah Philippine Dioceses cu Vatican in a lawm.

June 23, 2020

          Philippine ram ih Dioceses pakhat cu Catholic Dioceses zaten ah nitha hman nak a hmaisabik a hmang tu tiin Vatican ih sunloih, lawm nak an ngah. Cui Dioceses cu “Maasin” Dioceses tiin kawh a siih, Dioceses tinkim ah nitha ret in an hmang a si. Ziangruangahtile a liam zo mi kar sungah Pope Francis ih “Loudato si” ca pi a suah nak kum (5) kim kum a siih, cui ca ih hmuh mi vek in tuah a si.

          Cui Dioceses cu June (18) niih “Laudato si capi suah mi mi theih dingih an zemdarhhnu, kum nga kim – kan zaten inn a simi kiangkap kilhim nak kekar nak lamah” timi ca a suah. Cui ca cu zohhliah nak pawl lawng ngan mi a si lo. Ca pi ih hmuh mi vek in sersiam mi thawn milh aw dingin ziangvek in kilhim ding timi in hmuh. Cui capi ah a dang tuah tuan nak pawl le a tha mi tuah tuan nak pawl cu Catholic Kawhhran sungah tuah thok rero a si.

          Leyte ram kulh ih Maasin Dioceses cu leitlun tikcu hlum nak le kiangkap dik lo zet ih hman nak sup dingah tumtah in “nitha a suah tu solar pia cu Dioceses sungih Biakinn (42) ah an bun. Hitivekin tuah nak cu Vatican in “WeGen Loudatosi” (WGLS) peh tlai in hitivekin tuah dingah Philippine mipakhat cu himi ruah nak a ngah. Cui company cu Maasin Dioceses thawn kom aw in a tha zet mi lamzin hmang ding a si.

          Pope ih kiangkap kilhimnak ca thlun in kan nu leilungpi kilkhawi dingah rel tlak lo mi tuah nak cu a tu vekin danglam zet in hminsin sak an siih, mang bang za a si thu, kan kiangkap cu a tu ai in tha deuh in din sal nak, kilkhawi nak cu tampi tuah thei dingah ruahsan a si thu, a tui cang suak dingih tuah mi cu (2017) kum ihsin thok in timtuah zo a si thu, ziangruangahtile tui kum cu Maasin Dioceses din nak kum (75) a kim kum khal a si thu, a tui tuah mi phun cu Dioceses ih neih mi innpi (50) hrawng le Dioceses sungih Parist (40) tiang tuah bet dingah tumtah a si thu, cui hlei ah Kawhhran pi minung (50) hrawng khalin, an nei mi inn le thilri, zung pawl khalah hmang dingah dil a si thu, a tu vekin nitha hmang nak ruangah Dioceses hnen America dolar (2000) tiang electric meisa hrangah paisa cem a zai deuh.

          Himi nitha cu cu Kum (25) a daih thu, a tui bun mi a cem mi sumpai cu Dioceses sinakin kum (7) sungah tuah sal a ngah ding thu, cutivekin kum (25) sung carbondioxide pound (1875) khal hman mal a si ding thu, Maasin Bishop Precioso Cantillas in a sim fiang. Cutivekin Philippine Catholic Bishop pawl pawlkom kut tang ih kawhhran mipi menmen pawlkom hnen khal Dioceses neih mi thilri pawl ah nitha hman nak cu thang dingah a forh fial a si. hi thuthang cu Vatican news in kan ngah mi a si.

https://bit.ly/2NyftGU