Niwano Peace Prize cu Palestinian-American remdaihnak dintu in ngah (Febuary 27, 2024)

Niwano Peace Prize cu Palestinian-American remdaihnak dintu in ngah (Febuary 27, 2024)

          The Niwano Peace Prize Foundation in Palestinian-American Professor, Mohammed Abu-Nimer cu a nunram ap in remdaihnak le zumnak pehtlaihnak nemhngetnak ah vei 41 nak Niwano Peace Prize ngahtu ah a rak hril.

          Professor Mohammed Abu-Nimer cu 2024 Niwano Peace Prize ngahtu a si.

          Niwano Peace Foundation in tlawngkai nihnih ni ah, remdaihnak hrang American Palestinian mifim ih apawknak cu thiamnak lam zulhnak a si tiah catlang pakhat ah a tarlang.

          A hnatuan mi hmuahhmuah lakih uar umbik mi cu remdaihnak hrang thianghlim zet in a tuan mi, “a hleice in Islam ah remdaihnak le rualremnak thuk zet ih theithiam dingah le a taktak ih hmannak ihsin fimthiamnak lam harsatnak fiang ter dingah le remdaihnak dinnak lam cangvaihnak pawl thawn pehtlaihnak a um thu” theih a si.

          Tui kum ih laksawng ngahtu hril dingah tuanvo neitu, Niwano remdaihnak committee ih pawlkom sungtel pawl in Abu-Nimer ih a danglam zet mi sawmdawlnak pawl an upat mi tampi a um:

          “Remdaihnak ih professor le American University ih thubuai tawlrel tu dinhmun in, thubuai tawlrelnak, namnehnak, fimthiamnak le a taktak ih tuah dingah tumtah mi Salam Institute an rak din.”

          Biaknak phunkim le nunphung khat le khat thureltlangnak, remdaihnak dinnak le harsatnak phunphun ihsin khua le ram thansonak lam ah thuk zet ih tel ve mi bangawklonak pawl kom aw thei dingah a mai thukam tuah mi in teette a hmuh.

          Sufi, Muslim, Professor Abu-Nimer cu Northern Ireland, Sri Lanka, Mindanao (Philippines), the Balkans, le African khuapi pawl vekin thubuai pawl ah tuah rero mi Biaknak phunkim thureltlangnak ih tel ve mi pakhat a si.

          The Niwano Peace Prize caanserh cu tlawngkai nihnih ni, May 14, 2024 ah, Japan ram, Tokyo khuapi ih tuah dingah timtuah a si. Certificate thawn nemhngetnak ah, Professor Abu-Nimer cu laksawng pakhat le paisa yan taan 20 thawn sunloih a si ding.

          Hi thuthang cu Vatican News ih kan ngah mi a si.