Norbertine Yatih pawl ih St.Micheal Yatih tlawng kum 900 kim puai August 22, 2021

Norbertine Yatih pawl ih St.Micheal Yatih tlawng kum 900 kim puai

August 22, 2021

            St. Micheal Yatih tlawng sung ih Norbertine Yatih pawl cu an pawlkom nak kum 900 kim caanserh cu tuikum 2021 ah an tuah. Cui kumkim puai hminsin nak in cuimi pawlkom ih Siangbawi pawl le Brother pawl cu an tettikhan mi pawl an lang ter nak thuhla tawi an suah. Cui thuhla tawi cu vancung ramih hruai nak a ngah tu Bawinu Biakinn hnen ih ap mi dolar tan 120 man tlawng thar an hlan.

          "Leipar ah Pathian hnatuan nak nunram duh in, Pathian hnatuan duhnak thinlung a nei tu mino tampi an um nak hmun pawl ka thleng hrih lo. Kei khal himi nun ram a duh ngaingai lo tu pawl sungih pakhat ka si ve. Leipar ih a um mi thil thupi tampi ka nei. Keimah cu sinak a nei zet mi fimthiamnak laksawng khal ka ngah. Cui hnu ah ka tul zat sumpai khal ka nei. Hmailam caan a mawi mi khal ka nei. Asinan St. Micheal Yatih tlawng puai ih ka hmuh mi pawl zaten in ka mang in bang ter." St. Micheal tlawng ih a um tu Brother pakhat ih tettikhannak thu tawi a simnak a si. St. Micheal tlawngsung ih an zuk mi pawl cu Siangbawi tuan tu ding Brother pawl ih nitin an nunram an lang ter nak pawl thawn an kom. Hmunkhat ten um tlang nakin a tha ih di a riam zet mi ruah nak pawl a ngah tu Brother pawl ih lungawi nak tettikhan nak pawl thawn an thil zuk mi a lang sar ter.

Siangbawi tuan tu ding Brother pawl

          Cui an flim tawite cu mino pawl hmunkhat ih thlacamnak, zuk pawl suainak le Pathian hla pawl zir nak cutivek a dang tuah mi pawl an zukih an suah. Um tlan nak cu a hngetkhoh tiin ruah asinan mai zumnak kha pelh loin tuah taktak thei mi ti daan pawl el ding a cang thei lo mi mi hip tu pakhat a um.

Brother pakhat in Siangbawi tlawng kainak thu tha zet ih a sim mi cu,

          "Himi tlawng sungah nan unau pawl thawn nan um. Nan unau pawl thawn thla nan cam tlang. Himi pawl cu na thinlung hrang, na ruah nak hrang, na thlarau in Pathian thu ruat thei dingah hmanhman ten tuah sak nak a si. Nan tho, cuihnu ah midang thawn thla nan cam. Rawl nan ei hlan ah thla nan cam. Ih hlan khalah hmunkhat ten thla nan cam." Cui flim tawite ih a danglam bik mi langte mi pakhat cu Brother pawl cu lungawi zet ih an um nak a si. Pathian hnatuan nak nunram tuah dingah timi tumtah nak cu mino pawl pawlkom sung tel pawl ih then thenkhat sinak a si.

           Anmah pawl cu Siangbawi nunram cu feh nak ah a bang aw lomi a dang lam mi hnatuan pakhat ciar zir in lungawi zet in an feh. Siangbawi tuan tu ding tlawngta nunram cu dil mi pawl a tam zet nan nitin an tuan mi an tuanvo pawl le cazir nak pawl cu Siangbawi nunram nunpi thei dingin timtuah nak a si thu an thei thiam. Cutivekin lungawiten um nak cu a bang aw mi an tumtah nak colhhmun ih a thukih a hnget nak lawng in a dang aw. Brother pakhat cu an korfual ih a thuk zet mi thu khal ahleice in an ralring. Siangbawi ih khaisan nak caanserh ah Brother cu bok in a ruah nak a sim mi cu "Siangbawi a tuan tu ding in thukam nak a lak tikah, a cazir mi in siseh, taktak ih a tan mi in siseh  a nunram Pathian hnen a ap."

St. Micheal Yatih tlawng

          St. Micheal Yatih tlawng ih pawlkom cu 1960 a thok lam ah mi 7 tel in pawlkom fate pakhat an rak din. A tui kaing cu Siangbawi 55 le Brother 31 hleiah himi tlawngsung ah a lut duh tu 10 an thang. Tuikum thlatang sungah St. Micheal tlawng ah sinak a dotdot in Siangbawi pawl le cazir tu Brother 91 an um ding.

          St. Norbertine pawlkom cu mipum rikhiah in mi nauhak deuh an thupit ter nan an kaing ih a tamsawn kum cu 44 a si. St. Micheal tlawng cu mino pawl an ngaihsak zet. 1970 kum ihsin thok in 2019 tiang tlawng cu mipa border inn an phuan ih kumtin thal Pathian thu zirnak an tuah nak cu kum 40 a luan thlang. Hitiih ruahnak in anmah pawl cu mino mipa mipum ting khat cu zumnak thlaici an rak tuah sak thei.

St. Norbertine kiang

          St. Norbertine kaing cu 1121 kum ah St. Norbert in a din ih Catholic Pawlpi ih kaing tampi sungah a hlan lai ihsin rak ummi kaing pakhat a si. Orange County le California ram pawl ah 1961 lai ihsin a rak um. Communist daan ihsin a suak mi Hungary miphun Pope 7 pawlin kaing fate an rak din. 2005 kum ah Siangbawi cannak tlawng cu Silverado ah a thleng ih 2018 kum ah St. Micheal thlawngthar an sak thok. Himi thuthang cu Aleteia thuthang ihsin kan don mi a si.

         https://bit.ly/3BINlYo