Notre Dame biakinn sunglam ah remsal nak malte a um ding tiin sim. January 3, 2021

Notre Dame biakinn sunglam ah remsal nak malte a um ding tiin sim.

January 3, 2021

            Paris myo ih meikang ruangah a siat mi biakinn cu an phuan sal caan ah a hlan thawn a bang lomi rem nak malte a um ding tiin an sim. France media ihsin theih mi thuthang vek a si le a sunglam rem nak pawl cu malte tuah a si ding tiin sim a sinan March thla thlen hlang tiang a ngaingai a si hrih lo. Cui thuthang vekin mipi to nak tohkham pawl design thar pawl in tuah asi dingih thlalang a bal mi pawl an thleng ding. 2019 kum meikang nak ah kang ngah lo in lak mi thlalang khal a um nan hninsi thlalang tiin mi in an theih tam mi thlalang cu an thleng lo ding. Cui thlalang cu kum zabi 13 lai ih tuah mi a siih kum 1260 kum biakinn an sak thok ihsin a ummi ro thil khal a si.A thang mi thu pawl thawn pehpar in Paris Diocese ih Archbishop amah rori in thuthan a suah ih, "thuanthu Rothil pawl hlo lo dingah an kilkhawi ding thu le himi cu reipi a daih ding thu" felfai ten a than. Himi thu cu Aleteia thuthang ihsin kanngah mi a si.

Photo courtesy of Martin BUREAU | AFP

https://bit.ly/3nEmJka