A nuam zet mi ram pakhat din dingah ram mipi pawl hnenah Pakistan Archbishop in forh (Aug 14, 2023)

A nuam zet mi ram pakhat din dingah ram mipi pawl hnenah Pakistan Archbishop in forh (Aug 14, 2023)

          Islamabad-Rawalpindi Diocese ih Bishop, Archbishop Joseph Arshad in Pakistan ram ih thansonak lam bomnak cang ter dingah Aug 13, 2023 ah Pakistan ram mipi pawl a rak thangphawk.

          The Pakistan Catholic Bishops’ Conference (PCBC) hotu, Archbishop Arshad in an ram ih vei 76 nak zalennak hngilhlonak ni ah Pakistan miphun le rampi a rak sunloih.

          “Cui ni ah, remdaihnak hrang an thisen luang tiang ih rak hlan aw tu kan pipu pawl khal kan mangsal,” tiah Archbishop in a rak sim.

          “Tui san mipi pawl in, Pakistan ih vei 76 nak zalennak ni hmang dingah an thinlung le an thlarau pawl cu duhdawtnak, remdaihnak, le thlacamnak thawn an silhkhah,” tiah a rak sim.

          A sim vek a sile, Christian hohanak khal Pakistan ih zalennak lam cangvaihnak ah a thupi zet mi a si.

          Zalennak ni theh hnu ah, Christian pawlkom in hmun tinkim ah a hleice in harhdamnak, fimthiamnak, le nunphung hnatuan pawl ah rampi hrangah thinlung thakhoh zet in an tuan ih tu ni tiang an tuan rero lai.

          Arshad in kan ram donkhamnak tampi thawn tonawk caan ah Pakistan ram cu a remdai mi, zohthimtlak ram ih thleng dingah kan zaten kan tuan tlang a tul,” tiin ruahnak a rak pek.

          Pathian in kan rampi parah a thluasuah pawl in pe in thansonak hrangah, kan zaten remdaihnak, rualremnak nei in duhdawtnak thawn miphun pakhat dinhmun ih um thei dingah thlaza ka lo cam sak.

          Hi thuthang cu RVA thuthang ih kan ngah mi a si.