Nuclear power thawn pehpar aw in a thupte in tuan lo dingah Philippine Bishop pawl in dilnak an nei. July 31, 2020

Nuclear power thawn pehpar aw in a thupte in tuan lo dingah Philippine Bishop pawl in dilnak an nei.

July 31, 2020

Philippine ram  Balanga ArchBishop Ruperto Santos in thu neihnak kil himnak ding hrangih nuclear power hman tumnak a um le um lo thu check felnak langsar ter dingah zaangfah dilnak an nei. Kan dungzarh ah Philippine President Rodrigo Duterte in nuclear power thuthawn pehpar aw mi daan pawl thei thei dingah pawlkom pakhat an din thu an phuang a si. Cui thu cu kan dung tlawngkai nithum ni ah an than. Philippine ram cu Asian ni suahnak thlang lam tluanah electric power thilri hmannakah a sangbikdin hmun an thleng nan electric zemnakah hmanhman ten an zem lo. Cui harsatnak pahsuak thei dingah nuclear power in a bawm thei ding thu an ruah mi a si. A sinan rin lo pi ih a suak theu mi thlisia le leimin, linghninnak pawl a tu le tu a thleng thei theu mi ram a si ruangah ruah ding tam pi a um. A cang thei maw thei lo ti mi zohhliah tu pawl ih an suah mi thu cu khat lam lawng ruat lo in le hngilh men lo in lang ter dingah zum a um thu, an zohhlliah nak cu ram hrangah kilvennakah thupit ding a si thu , cuti lawngah ramih nuclear power datpawng khal dinsuak asi thei ding le, ding lo thu Bishop Alfonso Cusi in khal  Philippine ramih electric tul samnak hrangah a tha bikin kan hril thei ding tiah a sim. America dollar 2.3 billion man a nei mi nuclear power bun mi cu (1970-80) hrawngah Philippine khuali pi a si mi Manila le (100) Kilometer hrawng a hlat nak batan an rak din a si. A sinan hman a si hrih lo. A tu ih an zohhliahnakih zirin an lung kim a si le a cui nuclear power cu hman thei mi a si men thei. Cui tlunah cuihnak in san a man deuh mi le a rin um mi pakhat din a si thei thu an sim a si.

https://bit.ly/3i030c3