Nunnak a cem zo tu Pope pawl ih thlan pawl ah Pope Francis cu November 2 ah feh in upatnak pek phah in thla a cam sak. November 2, 2021

Nunnak a cem zo tu Pope pawl ih thlan pawl ah Pope Francis cu November 2 ah feh in upatnak pek phah in thla a cam sak.

November 2, 2021

              Mitthi pawl hrang thlacam saknak ni November 2 ah Pope Francis cu St. Peter Basilica Biakinn pi tangih phum mi nunnak a cem zo tu Pope pawl ih thlan pawl ah feh in upatnak pe in thla a cam sak. Rome khuapi kiangih ralkap thlan pawl ih a feh hnu a thlun lamah feh in thla a cam nak khal a si. Pope pawl ih thlan pawl cu Dungthluntu 12 sungih pakhat asimi St. Peter ih thlan kiangah phum a si. Mithianghlim tiin than zo mi a thi zo tu Pope thenkhat ih thlan thenkhat cu St. Peter Basilica biakinn pi ih a tlun lam ah thawn a si zo.

              All Souls' Day cu Catholic Kohhran hrangah a thi zo tu pawl hrangah ahleice ih thlacam sak nak ni asiih Vatican in tuikum cu Plenary Indulgences a pek. Himi Plenary Indulgences cu tui kum ah danglam zet in November thla sung ih ziang vek ni khal ah siseh thlan ah feh in thlacam nak a tuah tu tin in an ngah ding.

              Kum tin Pope cu mitthi pawl hrang thlacam sak ni cu Rome khuapi ih thlan pakhat khat asilole a kau mi hmun pakhat khat ah thlarau pawl hrangah Missa a tuah theu ih tui kum cu France ralkap pawl thlan ah a tuah. Himi thuthang cu CNA thuthang ihsin kan don mi a si.

https://bit.ly/3mFmE2b