Nunnak a liam tu miraltha pawl hrangah a hleice thlacam nak March 26, 2021

kalay_myo_donbosco_tlawngah_rampi_hrang_thlacam_nak_nei.jpg

Nunnak a liam tu miraltha pawl hrangah a hleice thlacam nak

March 26, 2021

            Kalay ih St.Don Bosco tlawng ah a tui March thla sung nitin nazi pakhat biakkhawm nak tuah nak in nunnak a liam tu mi raltha pawl hrangah ahleice ih thlacam nak tuah asi tiin theih a si. Thlacam nak caanserh ah "nitin zanlam nazi 6 le khuai tinkim ah nazi pakhat sung an nei ih a buiah then in tuah daan a phunphun in hoha in miraltha pawl hrangah ahleice in thla an cam sak. Nunnak a cem tu mipum tinkim hmin ngan in an siar. A thi pawl zat payawngtai an the. A thaisun ahcun thingkung ah an hmin ngan in an ben ih thla an cam sak. A thaisun ah cahnah ah an hmin ngan in ur in thla an cam sak" tiin Don Bosco tlawng ih Siangbawi in a sim.

            Ahleice thlacam nak ih a san cu "kan nu Kawlam pi a zamrang thei bik in Democracy ngah nak, minung caan tha zamrang ten lang ter nak le nunnak a pe tu miraltha pakhat ciar hnen Pathian ih zangfah nak thawn vancungram ah nunnuam ngah thei nak ding hrangah tumtah in thlacam sak nak a si" tiin Don Bosco tlawng ih Siangbawi in a sim. Kawlram ah mipi pawl tuah mawh ih thah nak parah Siangbawi pakhat dinhmun in ziangtin a tuar tiih an suh nak ah Siangbawi in "mipi tampi an thih tikah Siangbawi dinhmun ih rel loin mi pakhat dinhmun men in ruat hman ah a na tuk. Ziang ti zawng hman in sim ding ngah lo kawp in ka tuar. Sual nei lo minung thi timi cu thin a na tuk ih nunnak a liam tu pawl ka upat" tiin a sim.

            Siangbawi in a sim bet mi cu mino pawl ka upat thu ka sim ringring. Anmah pawl cu kan hrangah Bogyoke Aung San tete pawl an si. Thi ding ti an thei cing in, harsat nak a um ti thei cing in nulepa ih on nak um loin veikhat veihnih nu le pa pawlih kham mi lakin, kiangkap ih thinphang nak karlak ah an tuar nak, an zumnak, himi doawk nak cu an do lawng in a cang ding tiin zate mipi pawl dinhmun in himi raltha pawl cu himi a cem asile sunloih tlak mi minung tiin kan pom ding" tiin Kalay myo ih Don Bosco tlawng ih Selation Siangbawi in a sim.

            Kawlram ah ralkap ih thuneih nak lon nak dodal thu ti daan a phun phun thawn duhphorh nak an lang ter ih Catholic Khristian kiangkap ihsin biak nak lam hotu pawl khalin Kawlram ah a hman mi Democracy uk awk nak ngah sal nak hrangah nitin ap mi Missa pawl ah ahleice thlacam nak pawl tuah sak nak hmuh a theih. Thuneih nak long tu ralkap council ih tuahmawh ih kah nak ruangah March 25 tiang nunnak a cam tu 320 an um zo thu ram khel lam thu thawn thawng a tla mi pawl a bawm tu AAPP ih sim nak in theih a si. Himi thuthang cu RVA thuthang ihsin kan don mi a si.

Source : RVA Myan,mar

https://bit.ly/3ssBObr

 

Add new comment

6 + 3 =