Nunphung hrampi pawl thei dingah ramleng thleng mi Kawlram miphun pawl in USA ram ah conference tonkhawm awknak tuah (August 16, 2022)

Nunphung hrampi pawl thei dingah ramleng thleng mi Kawlram miphun pawl in USA ram ah conference tonkhawm awknak tuah

(August 16, 2022)

              Ram leng thleng Kawlram pawl ihsin Karen America Catholic pawl cu an hram toh nak nunphung le daan lang ter dingah USA ram Milwaukee ah tonkhawm awk nak an tuah. USA ram Milwaukee Diocese ih Catholic zungpi ah August 5 ihsin 8 tiang Karen America Catholic pawl KACC ih a tuah nak a si. Tuikum hrang thuluu cu "kanmah pawl cu Mithianghlim pawl si dingah kawh kan si, a hman, nang khal na tel" tiin a siih Minnesota, Wisconsin, Texas, Georgia le New York pawl ihsin mipum 200 luan pawl cu thurelkhawmnak ah an tel.

              Karen miphun pawl cu Kawlram nisuahnak lam ih tlang ramri hmun pawl a simi ahleiin  Karen ramthen, Kayah ramthen (karenni ramthen), thlanglam Shan ramthen pawl ah an um. Anamh pawl nisuahnak saklam Asia ih miphun ihsin a ra mi an si. An hram toh nak zingzoi asile Gobi ram car, Mongolia asilole Tibet hmun pawl asi thei. Amah cu phun a kim mi nunphung le tong hmang pawl an si.

              Karen miphun apwl cu Phoenix, Arizona le USA ram dang hmun pawl ah an um. Chin miphun le Myanmar Muslim harsat tuar pawl thawn hmun khat ten a si. 2008 ihsin Lowa hmun ah a tum mi Myanmar harsat tuar pawl um nak lakah a tamsawn cu Karen miphun an si. KACC tonkhawm nak tuah dingah thla 6 luan an timtuah cia. Ahleice in an thupit ter duh mi cu mino pawl an sinan nupa pawl hrang khalah thusimmi pawl an tel. A tel tu pawl hrang umnak le in ei pawl hrang Milwaukee Karen nunphung ih an bom nak a si.

              "Ka hmuhnak ah himi tonawk nak cu hlawhtling nak pakhat a si. Sualthlah nak, Missa san dingah le sunloih ih upat nak caan serh pawl tuah dingah caan tha tumpi a si. Bawi Jesuh Thi le Sa thawn pehpar in khal siseh, sualthlah nak, nupa lam fim zirhnak le Kohran thuanthu pawl thawn pehpar in khal siseh thusim mi tampi peh theia si" tiin Minnesota, St.Paul Diocese pawlkom ih Francisco Puithiam Fr.Seraphim in a sim sal.

              Nauhak mino program hoha dingah St.Francis Xavier pawlkom ih Sister 4 in an bawm. Himi kaing cu France Pathian riantuan nak MEP ih Bishop Alexander Cardot ih Kawlram ah 1897 ah a din. Tonkhawmawknak ni ah Green Bag, Wisconsin le Kohhran ih theihpit mi USA ram ah Bawinu a langnak pakhat lawng asimi hmun apwl ih a tel tu pawl an tel.

              Missa raithawinak cu Fr.Seraphim in a tuah ih rosary camnak khal an tuah. Neta kum khalah tonkhawmawk nak tuah dingah an timtuah nan hmun cu an hril hrih lo. A hmaisa biak tonawknak cu 2016 ah an tuah. Covid 19 pulhnat ruangah 2019, 2020, 2021 ah an tuah lo. KACC pawlkom cu USA ram ih a um tu Kawl tong hmang lo mi Karen Catholic pawl ih thlarau lam le nunphung lam bom nak pek thei dingah 2016 ah an dinnak a si. Himi pawlkom cu aveikhatnak KACC tonawknak an tuahnak Minnesota ih St.Paul ah an din.

              Minnesota le a dang ramthen pawl ih Karen miphun pawl cu Fr.Seraphim in tuanvo lain lam a hmuh. Puithiam cu KACC ih thlarau lam lam hmuh tu Puithiam khal a siih a din tu pawl lakah a tel tu khal a si. KACC pawlkom committee cu 2018 ah an din. KACC ih ruahsannak cu mino pawl nunram ah Pathian duhnak thang dingah, theih kauhnak thang dingah ahleice in zumnak ah a hman mi zumnak si dingah a si tiin Puithiam in a sim.

              Tumtahnak cu thlacamnak thawn a famkimmi zohthim tlak Karen nunphung siin, Mithianghlim pawl ih nunram pawl upat dingah a si. Pakhat le pakhat duhdawt nak thawn silhkhah mi kiangkap si ding khalah tumtah a si.

              USA ram sung ih a um tu Karen Catholic mi pawl finkhawm aw thei dingah tumtah in kumtin thu relkhawmnak tuah thei dingah KACC in an timtuah. Cuti lawngah anmah pawl cu Jesuh ih kawhnak thawn kaihin an um thei ding. Cuihleiah ram leng thleng Karen mi karlak ah Karen daan le nunphung pawl kilkhawi thei ding khalah timtuah asi. KACC dinhmun in harsat tuar pawl ahleice in Thailand, Myanmar ramri ih Karen harsat tur pawl um thei dingah bom dingah an tuah thu KACC tonkhawm awk nak ih vice President Emelda Thein in a sim. Himi thuthang cu RVA thuthang ihsin kan don mi a si.

https://bit.ly/3TgMrfF