October 3 ih let hmat a tthu mi Pope ih capi thar. September 5, 2020

October 3 ih let hmat a tthu mi Pope ih capi thar.

September 5, 2020

            Pope cu October 3,  St. Francis le St. Clare pawl ih suah nak khua a simi Assisi khuapi ah capi thar cu let hmat a tthu a si. Cui capi ih a hmin cu "Fratelli tutti" asiih, "ulenau pawl" ti duh san a si. Hitivekih a hman nak cu "ulenau le sung khat" thuhla a ngan. A tui a suak dingmi ca cu Italy tong in suah lawk ding a si.

            Himi capi cu St. Francis Assisi ih a nau le pawl a kuat mi ca asi mi (Admonitions,6,1: FF155) kha hrambun in a sim mi a si. Cui ca sungih forhfial mi pakhat cu "nau le pawl, a tha mi tuu khal tha cu, a tuu pawl run dingah thinglamta parah nat a tuar nak cu ruat sal uh" timi thuhla kha a thupi ah ret in a sim. Pope cu Assisi khuapi ah October 3 zanlam ah a thleng. Cuihnuah St. Francis Assisi ih Missa Raithawi nak a tuah ih, cui Missa raithawi nak thawn cui capi let hmat tthu nak a tuah. Covid-19 nat suannak dinhmun ruangah Pope ih khawm zawh nak cu mipi theih in tuah a si lo.

            Assisi cu lungawi thu sim nak thawn kan lo hngak. Assisi Diocese ih Bishop Domenico Sorrentino in Pope khawmzawh in a tlawn ding ruangah an hngak hlap ih an lung khal a awi. Ziangruangahtile leilungpi cu pulhnat pi ih namnuai nak ruangah minung nunnak tampi harsat nak an ton caan ah Pope a ra tlawn ih tuar rero mi nat nak zia deuh dingin a dam ter ih kanmah pawl cu Pope ih duhdawt nak kha kan tul. Hitivekih Pope a ra tlawn nak cu kan ton mi buai nak pah suak in, tha zang thar, ulenau duhdawt nakah lungrual ten a tharthawh nak asi thu asim.

             Zirh thei nakih a thupi bik mi thuhla

            Pope ih a zem darh dingmi capi thar ih thuluu cu amah ih zirh thei nak kha a lang ter. Pope tiin an hril nak (2013, March 13) ni zanlam ah Pope Francis cu a mipi pawl ih hmai ah a suak ih "ulenau pawl" tiin ahmaisa bik ah cibai a buk. Cutivekin "ulenau" timi tongkam cu a vai tu pawl hrang comi Italy ram, Lampedusa tikulh ah feh in a vai tu pawl a tlawn laiah siseh, 2019 Abu Dhabi ah let hmat a tthu nak hminsin nak pakhat khal ah "ulenau pawl" tiin thulu a pe. Himi thuhla zoh in Pope cu ulenau duhdawt nak kha a khaisang nak a si. Himi thuthang cu Vatican thuthang ihsin kan ngah mi a si.

https://bit.ly/3dbjjBT