Oklahoma khua ih Archbishop Coakley in Oklahoma khuapi Bom apuah nak kum 25 kim hngilh lonakah Missa raithawinak a tuah ding.

April 17, 2020

Oklahoma khuapi ih Archbishop Paul Coakley in kum 1995 ih a cang mi tihnungza minung 170 zik te thih an tuarnak hngilh lonakah lam zin pi ah Missa raithawi nak a tuah a tum.                                                                                                          

Hi mi ih thihnak a tuar tu pawl cu kan innsungsang, kan rualpi, kan hnatuan pi le kan inn hnen pawl an si. An pum peknak hngilh lo in le an hnenah lungawi thu sim ding kan si. Hi mi Bom puah nak cu tihnungza doawknak thihnak tiah American thuanthuah a rung tangta. Tui kumah hin hi mi ni hi April 19.2020 Devine Mercy Puai zarhpi ni thawn a tong aw a si.

Archbishop Paul Coakley in Oklahoma khuapi hnuai lam ih a um mi saint Joseph Old Cathedral Biakinn piah livestream thawn Missa raithawinak a tuah ding a si.

Hi mi thimkhuazing le hlohral nak kan ton can ah Jesuh Khrih in kan hrangah beunak le hngahhlapnak in pek tiah Coakley in a sim bet. Hi mi laiah hin Poland ih thimkhua zing a thlun laifang a si ih Jesuh Khrih in Mithianghlim Faustina hnenah a mah a rinsan tu zo an si khal le a tan san lo ding thu a sim a si. Alfred p. Murrah Federal inn hmaiih mi tha lo pawlih tuah siat nak cun April 19, 1995 ni ih inn pi sungih a um tu pawl cu minung 800 in hliamhma an tuar ih mi168 in thihnak an tuar hnuah cu mi sungah nauhak 19 cu innsungah sunzan zoh that an si ih pathum cu an nui pumsung ta an si. Hi mi thu hi CNA thuthangin kan ngah a si.

"Kan dung kum 25 lai ih khuavang thalo ih siatsuahnak cu kan nunnakih lamzin pawl in siatsuah hnuah kan thinlungah thihphannak a thlen ter a si. Asinan cu tin siatsuah nak kan tong nan thil tha lo kha thatnakin kan neh ih zumtu ah kan cang a si "tiah Archbishop Coakle in a sim a si.

Zumnak hrangah kan lungawi ih siang zetih in bawm tu pawl zate par khalah lungawi nak tam pi an neih thu a sim. Kan khuapi hrangah thla kan cam pei ih minung hmuahhmuah remrual ter tu, dam ter tu le hngahhlap nak meitleu a pe thei tu si thei dingin kan zuam pei tiah a sim a si.

https://bit.ly/3ewyupn