Olympic lek tu pawl Catholic Biakinn pawl ih feh on lo dingah Tokyo Archbishop in zaangfah dil July 13, 2021

Olympic lek tu pawl Catholic Biakinn pawl ih feh on lo dingah Tokyo Archbishop in zaangfah dil

July 13, 2021

          Tokyo Archbishop Tarcisio Isap Kikuchi in tui dinhmun ih a cang rero mi covid natnak mah ruangah midang suan lonak, midang ruangah mah khal suan tuar lo dingah July 12 ah thuthan pakhat a rak suah. A cui thuthan cu Tokyo Olympic le kut ke kim lo Olympic zuamawknak ih a thleng tu zo vek khal zuamawknak sungah Biakinn ih feh on lo dingah zaangfah a rak dil. A hlan ah ram tinkim in a thleng ding mi zuamawknak Catholic kohhran mipi pawl hrangah Biaknak lam caanserh pawl timtuah cia dingah an tumtah lawk nan netabik ah cui caanserh khal an bal sal tiin Bishop in a rak sim.Tokyo khuapi cu Olympic puai thok hlan zarh hnih duh ah a thupi dinhmun ah than a si. Olympic zuamawknak puai cu July 23 ah an tuah ding.

          Covid karh lo dingih humhimawknak ah puai zoh tu mipi pawl khal a zoh an on lo. Covid nasa zet ih a karh ruangah neta lam ah cun Tokyo Archdiocese dinhmun in Biakthawinak pawl ah khal a tel tu ding mipum rikhiah a si vek in khat le khat hlat aw ih um ding khal thlun a tul. Cu vek in mai Parish ih um Biakinn pawl lawngah Missa raithawinak ih tel dingah khal a forhfial.Diocese dinhmun in Missa sumnak veikhat ciar ah a tel thei tu mipum khal tha ten tuah a tul. Cu lawngah harhdam nak lam minister in pakhat khat in suh tikah tha ten kan sim fiang thei ding.

          Biaknak lam tuanvo silhkhah nak ah Missa sumnak ih tel nak khal a tel vek in Tokyo Archdiocese in dinhmun ruangah tel lo theih lo dinhmun ih a suah sal mi a um hrih lo.Ram ih mipum taan 20 sungin Catholic ting 100,000 an um.July 13, ah cui hmun ih thu nei tu pawl ih thuthang suah mi vek a si le Tokyo khuapi ah covid ruangah siizung ah siivai tuamhlawmnak a lak tu mina 1986 an um ih cui tuamhlawmnak a lak rero tu pawl sungin mipum 58 cu an dinhmun a besia zet.  2019 ah Tuluk ram, Wuhan ih a rak karh thok mi covid hmaisabik cu tui ni tiang covid thawn nunnak a liam tu mipum 2258 an um thu an than.

          Japan ram ih mipum zateek 28 cu a mal bik covid humhimnak sii a dawt zo tu pawl an tiin Reuters thuthang in a rak tarlang. Covid humhimnak sii dawh nak caanserh cu an tuah rero lai. Pope Francis khal a dawh zo vek in dawh ding le dawh lo ding thawn pehpar in mah ten boh cat a tul. Dawh lo theih lo in dawh teng teng ding tiih nemhnget mi khal a um lo. Humhimnak sii dawt lo in tuah tlang mi Missa raithawinak ah tel on lo tiin khal thlei dan nak a um cuang lo.

          Olympic puai cu July 23 ah an thok ko ding nain kut ke kim lo Olympic zuamawknak cu August 24 in September 5 tiang an tuah dingih cu mi a cem tiang a zuam tu ding mikhual pawl Biakinn feh on lo nak nemhnget nak cun that hnemnak a nei ding. Kan nunram humhim dingah a si lo. Pathain hnenin midang pawl ih ngah mi nunram ih thlasuah humhim dingah tuanvo kan nei tiin Tokyo Archbishop in a rak sim fiang.

          Hi mi thuthang CNA thuthang ih kan ngah mi a si.

https://bit.ly/3z2zpqP