Oxthodox le Catholic biaknak in kum 440 hnuah Easter ( Thosal Puai pi) cu ni khat niah an rak hmang tlang. (Nov 22, 2022)

Oxthodox le Catholic biaknak in kum 440 hnuah Easter ( Thosal Puai pi) cu ni khat niah an rak hmang tlang.

(Nov 22, 2022)

Kan dung reilo te ih Turakey ramih interviews pakhat ah Constantinople ih ecumenical Patriarch Bartholomew in Oxthodox le Catholic biaknak cu thosal puai nikhat ni ih hmang tlang dingah simnak a rak nei.

Kumzabi 16 hlan tiang, hi mi biaknak pahnih cu thal caan zarhpi ni ah thosal puai ni khat ni ah an rak hmang tlang dah. Asinan 1582 kumah Pope Gregory XIII nak in Julius ceaser ih tuah mi Julian Calender a hlun ai in Calender thar a rak tuah. Catholic ram zaten Gregory Calender an rak hmangih Oxthodox cu Julian Calender an rak hmang peh vivo. A bangaw lo mi Calender pawl ruangah ni bangaw lo in an hmannak a si. 2015 kumah Pope Francis in biaknak pahnih hrangah ni a bangaw mi hril dingah le tuah tlang dingah a rak sim dah.

Pope Francis in June 12, 2015 kumah Catholic pawlpi cu Pope  XI ih a rak ngamhnget thokin a dangten an rak tuah ih March thla thul hnu ah a hmaisa bik an rak tuah. Orthodox le Catholic hotu pawl in kum 2025 kumah thosal puai tuah ni bangaw dingah tum a si tiah a sim. Cu mi cu Nicea ih a hmaisabik Ecumenical Council ih kum 1700, kim hngilh lo nak ni a si. Pope in Assyrian Church ih Patriarch pawl hnenah a ruah nak a rak sim mi a si.

Christian lungrualnak hrangih Pontifical hotu Cadinal Kurt Kock in hi mi thu hi a ol lo ding thu khal a rak sim.A sinan Pope Francis le Coptic Pope Tawadros tei duhnak a si thu khal a rak sim bet. November 30, 2022 mithianghlim Andrew ih puai niah Constantinople biakinn ah Nicea council le thosal puai ih harsatnak thu rel tlang nak nei ding khal ah tumtah nak an rak nei. Hi mi thuthang cu rome report ih kan ngah mi a si.

https://bit.ly/3HCyqFo