Pakistan Khristian pakhat ih facebook par tar mi cu Kawhhran hmuhsuam nak tiah tazacuai nak a tuar August 13, 2020

Pakistan Khristian pakhat ih facebook par tar mi cu Kawhhran hmuhsuam nak tiah tazacuai nak a tuar

August 13, 2020

            Pakistian ramah kumtin tuah mi mi malte Kawhhran pawl ih zalen nak puai pi hlan ni malte a duh ah Khristian mipa pakhat in Kawhhran hmuhsuam nak thawn kaih nak a tong. Sohol Misih timi Khristian mipa cu facebook parah Islam biaknak pawl ih Eid ni ih an rai thawinak sa ei nak a soisel. Cui post ih comment ah amah in "caw le sia pawl ih thi cu sual a tleng fai ter thei lo thu" a ngan mi a si.

            Punjiab ramthen ih palik pakhat in Masih kha him dingah kan kham tiin a sim. An kaih zanah biak nak lamih thu luan tuk pawl mi burpi cu palik zungah an lut ih sangkaa pawl an siat bal ih an hrang ciamco.

            Pakistan ramah biaknak lam luan tuk pawl Party pakhat in thu pek nak a um ih Khristian Kawhhran mipawl an tih zet Biak inn pawl, inn pawl an siat bal thu tiah Khristian pawl in an sim.

            Pakistan ah biak nak a hmuhsuam tu pawl lakah a lar mi thu cu Asia BiBi timi Khristian nunau pakhat ih thuhla a siih, amah cu Islam pawl ih Bible kha a hmuhsuam tiiin an ti ih thi ding in thu an suah. Asinan kum 10 sung thawng a tla ih nikumah thi dingih thu suah nak in a luat. August 11 ni cu Pakistan ram din nakah tha zang thawn a tel mi mi malte Kawhhran pawl ih caan tha ni a si. Asinan mi malte Khristian pawl cu zalen ank an ngah hrih lo. Himi thuthang cu Aleteia thuthang ihsin kan ngah mi a si.

https://bit.ly/3aL4Ueo