Panama ram ah Catholic pawlpi cu ram a cozah thawn kom aw in Covid-19 do nak an tuah. August08, 2020

Panama ram ah Catholic  pawlpi cu ram a cozah thawn kom aw in Covid-19 do nak an tuah. August08, 2020

         Panama ram ih um Catholic pawlpi cu ram ih harhdamnak zung thawn kom aw in Covid-19 pulhnat do nak, bawm nak le runnak hnatuan pawl tuan tlang dingah lungkim nak lethmat an rak tthu.

         Hi lungkimnak vekin harhdamnak zung thawn bang aw in Pamana ram pumpuluk khuate, khuapi hrelh lo in ram dinhmun in an tuan tlang dingih a thupibik in a tul sam bik mi hmun le ram pawl thupit in an zoh vivo ding.

         Catholic pawlpi khal in mizapi theih ih tuan a ngah vekin a cozah thawn kom aw in thazaangsuahnak thawn Panama ram ah Covid-19 pulh nat a reh tiang an tel ding tin theih a si.

         Panama Archbishop Jose Domingo Ulloa khal in “Kan zum nak thawn tangtlang in tuan uh si. Kan zaten a thupibik ih kan ret ding mi cu ram mipi pawl upatnak ngah in ram hrang that nak pawl a suah thei nak dingah le lutung thei ding tiangih tuan mi a si nak dingah a si,” tiah a sim.

         Panama Catholic pawlpi le harhdamnak zung karlakah a hnget khoh zet mi le a tlaitluang mi hnatuan pawl ret in thaten tuan suak thei dingah hmun le ramih Committee pawl khal in pawlkom ret in an tuah ve ding.

         Cu vek ih tuah nak ah a dang teih ret a tuar mi minaa pawl um nak ah a dang ten um dingah le innsungsang thupit ah zoh in an bawm ding. Hi thuthang cu August 8, 2020 ah Vatican thuthang ih kan don mi a si.

https://bit.ly/3fPpbjN