Papua ramthen kahawknak cawl dingah Indonesia Catholic Puithiam 30 in dil November 2, 2021

Papua ramthen kahawknak cawl dingah Indonesia Catholic Puithiam 30 in dil

November 2, 2021

              Indonesia ram, Papua ramthen ih Intan Jaya hmun ah cozah ralkap le mah te zalen nak ngahnak hrang a cangvai rero tu pawl karlak doawk nak pawl ruangah kumhnih mi naute pakhat a thi. Cuihnuah biakinn pawl ah mi tampi an relh nak Papua ramthen Intan Jaya ah October 31 ih tuahmi thuthang felfai ter nak ah Catholic Puithiam pawl khal an tel.

           Indonesia ram, Papua ramthen ih Puithiam 30 luan cu kilhim nak ralkap pawl le thenthek nak mi dotu pawl karlak doawk nak cawl dingah an dil. Cutiin kahawk nak a um rero ruangah October 28 ihsin thokin mi tampi inn le lo an tlan san. Nitlaknak lam Papua luatnak ralkap le "Sugapa" ih ralkap um nak pakhat ih Free Papua Movement musual pawl ih do nak pawl ruangah nauhak pakhat a thi ih a dang pakhat cu hriamhma a ngah ih kan dung zarh ihsin thok in Intan Jaya ih biakinn hmuan sung pawl ah mi 6000 luan an um.

           Mi siatsuahnak doral thu le a liam zo mi kumah Indonesia uknak dokalh nak misual pawl donak a tuar tu Indonesia ih nisuahnak lamah kah awknak cawl dingih dil dingah Timika myone ih Puithiam 33 cu October 31 ah hmunkhat ten thu than an suah. "Harsat tuar pawl umnak hrangah kan thin a phang ruangah kahawknak cawl dingin than dingah kap hnih in kan lo dil" tiin an dil.

           Mi sualral pawl in inn pawl an ur ruangah harsat tuar pawl cu kahawknak karlakah kaihnak ihsin luat dingah an tlan tiin an sim. Papua ralkap ih sim rel thei nak nei tu Ahmad Musthofa kamal in a malbik mi 5880 cu Biakinn pawl ah relh dingin an zuam thu a sim. "Sugapa" ih St.Michael Biakinn ah 2400 hrawng le "Agapa" ih Catholic Biakinn ah 3000 hrawng an um. A dang za lai pawl cu cui hmunih a dang Biakinn pawl ah an relh.

           Puithiam pawl in mipi pawl anmai umnakah tlung thei dingah, mi siatsuah tu pawl cawl dingah kaphnih in tongaw in thu rel dingah an forhfial. "Sugapa" ah doawk nak pawl thuhla lak rero asi tiin Fr.Dominikus Dulione Hodo in UCA thuthang zung in November 1 ah a sim.

           Timika khuapi ih thudik le remdaih nak commission President Fr.Wanimbo in "buainak ih a rah suak mi ruangah mipi pawl harsat tuar dingah ralkap cu mipi lam ah a um nak in bom nak a um lo thu" an sim. "Doawk nak pakhat a suah tikah khuami pawl cu kahawk nak ah kaih tuar ding lam an pan" tiin Fr.Saul Wanimbo in a sim. Himi thuthang cu UCA thuthang ihsin kan don mi a si.

https://bit.ly/3bB4HLM